花木日本料理 (已結業)

尖沙咀不嬲都有好多嘢食見到天文台都有一間花木所以就同朋友一齊嚟食😍😍由於我哋都好鍾意食日本嘢所以每次食日本餐廳都會毫不留情咁叫晒想食嘅嘢😂😂餐廳嘅擺設做得好唔錯入面仲有包廂但係我地得兩個人所以就喺出面食氣氛都好唔錯我哋叫咗胡麻醬菠菜沙律做前菜 入口非常新鮮係冷盤嘅好選擇之後走到重頭戲係花木推薦嘅壽司拼盤 不得不讚佢嘅用了非常新鮮入口即溶嘅壽司唔係度度都有 呢一樣我哋非常之欣賞佢亦都好有心機咁樣擺好啲壽司出到嚟個感覺好Grand我哋都好滿意🥰🥰鍾意刺激嘅我哋就梗係叫咗一口和牛 🙈🙈點解話去刺激呢因為佢會淋一啲液體係和牛上面然之後過一陣就會「燒着左」🔥為咗唔好令牛肉太熟我哋要快啲食都係有入口即溶嘅感覺最後我哋叫咗一個天婦羅烏冬佢用嘅咋粉唔會太多所以食入口嘅時候唔會覺得太熱氣只係薄薄地一層炸粉 用料亦新鮮