更多
2020-09-12
470 浏览
朋友一心想支持vegan理念，所以拣咗呢间餐厅庆祝生日。真系无谂过，好嘅理念，带来一餐咁麻烦受气嘅饭。事前已经fb沟通过蛋糕嘅问题，餐厅表示有三个选择: 1)响佢哋度订个外表极平凡$840蚊嘅士多啤梨蛋糕; 2)就响佢哋合作蛋糕铺订; 3)自备加切饼费$100同只准带vegan蛋糕。由于佢合作开嘅蛋糕铺𠮶段期间唔营业，我哋就决定用方法(3)，仲特登去咗间连锁BYO蛋糕整佢唯一嘅vegan蛋糕。点知原来唔拣佢个八旧水但相貌平凡嘅蛋糕就系原罪......庆祝当日带住蛋糕去到餐厅，已经见到入座咗嘅朋友同星星纹身女店员沟通紧。再了解吓，原来女店员话唔可以响佢度切自备vegan蛋糕，就算我哋攞出fb文字对话证明当时餐厅客服表示方法(3)自备俾切饼费ok，再展示连锁BYO蛋糕单据同网站，证明唔系我就咁话系vegan蛋糕，星星纹身女店员都系坚持唔可以切蛋糕。原因系佢证明唔到你真系vegan, 佢地餐厅嘅食具唔可以掂到外来非vegan食物。咁你方法(2)合作铺头又其实无做，原来方法(3)你又唔会俾，只可以方法(1)食你自家个八旧水但相貌平凡嘅蛋糕，你唔一早我哋fb了解你就讲？我哋唔会特登自己去整个靓靓
事前已经fb沟通过蛋糕嘅问题，餐厅表示有三个选择: 1)响佢哋度订个外表极平凡$840蚊嘅士多啤梨蛋糕; 2)就响佢哋合作蛋糕铺订; 3)自备加切饼费$100同只准带vegan蛋糕。由于佢合作开嘅蛋糕铺𠮶段期间唔营业，我哋就决定用方法(3)，仲特登去咗间连锁BYO蛋糕整佢唯一嘅vegan蛋糕。点知原来唔拣佢个八旧水但相貌平凡嘅蛋糕就系原罪......
庆祝当日带住蛋糕去到餐厅，已经见到入座咗嘅朋友同星星纹身女店员沟通紧。再了解吓，原来女店员话唔可以响佢度切自备vegan蛋糕，就算我哋攞出fb文字对话证明当时餐厅客服表示方法(3)自备俾切饼费ok，再展示连锁BYO蛋糕单据同网站，证明唔系我就咁话系vegan蛋糕，星星纹身女店员都系坚持唔可以切蛋糕。原因系佢证明唔到你真系vegan, 佢地餐厅嘅食具唔可以掂到外来非vegan食物。咁你方法(2)合作铺头又其实无做，原来方法(3)你又唔会俾，只可以方法(1)食你自家个八旧水但相貌平凡嘅蛋糕，你唔一早我哋fb了解你就讲？我哋唔会特登自己去整个靓靓vegan蛋糕啦。
沟通紧嘅途中，由于星星纹身女店员不断话佢话唔到事，系公司规矩，我哋提议同经理沟通，佢就话经理今日无返(睇返openrice劣评先知呢招佢之前用过，好评有得请人食嚟写，劣评真系不得不信)。佢再讲佢明生日大晒，试过有客用粗口闹佢，佢都好无奈，而我哋当时系好声好气沟通从来都无话生日大晒，只系同你哋事先问咗ok你而家话唔得大家先理解吓，你用个粗口小你嘅前人例子讲你好无奈，我哋何尝唔系仲无奈。女店员再表示佢都系打份工，平日食饭都要响后楼梯食，我哋真系成头问号，我哋本身都系想俾钱食餐vegan饭，你收钱响后楼梯食同无返嘅经理或者阿甘薯叶集团反映会直接啲。佢又话佢哋餐厅系新开，运作系有混乱先会同fb客服有出入，但事后发现原来都开咗成两年，讲大话讲到咁自然，唔翻查都无谂到。
最后，当然都系唔话得事返工最委屈系佢嘅星星纹身女店员话唔切得蛋糕。最后，都叫咗几样嘢食，讲真系好味嘅，但真系无晒心机食，以后都唔会想食。生日就真系唔好去啦劝大家，普通食你谂谂。
我自己唔系食开vegan嘅人，睇返佢老板王世豪话自己做vegan生意系想推广素食俾大众，今次食vegan真系印象深刻啦，但完全唔会再了解再食，听到都觉好麻烦，多得呢间pop vegan。
张贴