御三家日本料理 (已結業)

御三家彷彿變成咗我同一班同事既飯堂，每月必食一次～雖然價錢以午餐黎講都算中上價位，但區內高質的日式餐廳係比較少，所以都會繼續支持～今次發現MENU靜悄悄地加咗價啊～個心有少少傷希望唔好咁快又加價啦～不過午市免加一，又補貼返唔少～＄72 御三家魚生丼魚生丼即係雜綿魚生飯，鋪滿魚生既飯係好吸睛，魚生上枱時掃咗一層薄薄的油，除咗增加吸睛度之外仲可以提升新鮮度魚生方面有大蝦； 北寄貝；油甘魚； 三文魚； 八爪魚；青瓜同玉子。魚生好新鮮而且分量多但今次飯量好似俾之前少咗，所以若果男士去食可能2個鐘就會餓～套餐仲有配埋蒸蛋；小吃同麵鼓湯～今次去蒸蛋明顯少咗分量仲味道仍然好味！蒸蛋有冬菇、日式魚蛋同蟹柳希望呢間日式店繼續提供優質食物俾一班新蒲崗友喇～