新利記 (已結業)

太安樓商場入面其實都有好多唔同類型嘅食店，我個人就比較鍾意快餐店居多，因為夠哂方便快捷，價錢又平，新利記嘅黑椒腸仔雞扒飯真係幾好食，黑椒汁香濃惹味，食到有少少黑椒嘅辛辣味，雞扒煎得香口，肉質唔柴，腸仔係採用廚師腸，飯粒分明，整體OK，另外咖喱牛腩飯都真係幾有水準，咖喱汁相當濃郁，牛腩炆得軟淋易食，至於凍奶茶方面～夠凍，奶嘅份量剛好，但茶味欠奉，略甜，但都過得去，店內嘅環境就唔係太理想，坐位同坐位之間太窄，店內空間太細，有D侷促，但性價比十足！