影片
招牌菜
太安楼商场入面其实都有好多唔同类型嘅食店，我个人就比较钟意快餐店居多，因为够哂方便快捷，价钱又平，新利记嘅黑椒肠仔鸡扒饭真系几好食，黑椒汁香浓惹味，食到有少少黑椒嘅辛辣味，鸡扒煎得香口，肉质唔柴，肠仔系采用厨师肠，饭粒分明，整体OK，另外咖喱牛腩饭都真系几有水准，咖喱汁相当浓郁，牛腩炆得软淋易食，至于冻奶茶方面～够冻，奶嘅份量刚好，但茶味欠奉，略甜，但都过得去，店内嘅环境就唔系太理想，坐位同坐位之间太窄，店内空间太细，有D局促，但性价比十足！
继续阅读
今日晏昼去食饭，见到佢厨房卫生环境恶劣，地下有积水，我睇一睇张餐牌求其点左份黎食加杯冻柠茶，佢杯冻柠茶嚟到，我梗系督两督啦，点知佢够胆死被杯加咗料嘅冻柠茶我，奉劝大家唔好去呢间垃圾食店
继续阅读
下午在筲箕湾食饭时候，经过太安楼，到处餐厅都是人群，唯有买外卖啦！经过一间小店，名叫"新利记 "见店内坐位太少，店外很多人排队轮候，再看看餐牌，价钱十分吸引㖞！即炒粉面也只不过系三十蚊左右，其余各种意粉及饭类，都不会超过三十六蚊，实在非常抵食。今次第一次去试，我叫咗个"咖喱斑腩(鱼柳)拼肠仔饭"外卖，都只系廿八蚊。只等了8-9分钟，外卖已包好了，发现仲有例汤送。于是带返屋企慢慢食。当返到屋企，试试例汤"金银菜煲南北杏"，意外地非常热辣辣，而且味道也唔错，汤渣也不少👍；跟著就系试吓主菜"咖喱斑腩(鱼柳)拼肠仔饭"喇；炸斑腩(鱼柳)有四件至五件左右及一条肠仔，咖喱汁就少了一些，但味道也可以，不会太辣，亦有香味。而饭方面不算很多，少咗些少饭香，饭的软硬度只是一般啦！不过整体呢个饭盒，的确系很超值。下面已附上两页外卖价钱单，以作参考
继续阅读
搬咗西湾河三年先，寻日先第一次食呢间新利记！因为平时觉得佢唔起眼，无太大意欲去试。寻日叫咗一个豉椒肉片炒河，抱住最多咪蚀三十蚊既心态去食…但系！我简直觉得自己执到宝！味道好，汁够，肉够，有面豉，有配料！所以今日再急不及待再去买一个鲜茄肉片饭，都系好好味！美中不足系我觉得个饭淋咗少少，不过呢样各人有各人口味，我本人觉得问题唔大，最多下次叫返河粉饭加可乐都系31蚊…真系想问佢地到底赚唔赚到钱…p.s. 其实我觉得个女职员唔系有心无礼貌，可能系mentally challenged (我估姐)。大家都唔好太计较吧！
继续阅读
冇钱嘅时候最烦就系要拣嘢食但系西湾河太安楼入面就有一间直到目前为止都仲系好平好靓好正嘅餐厅里面全部野都完全唔会超过$40而且款式包罗万有无论系返面炒饭炒面炒河粉或者公仔面大部份正常你谂到嘅茶餐厅嘢食佢都有自己通常嗌开咖喱斑腩饭或者咖喱牛腩饭主要系因为咖喱汁符合我嘅口味都算系辣辣地几开胃饭粒方面就偏向晏少少日都系啱啱好我最钟意嘅软硬度至于班方面当然唔可以要求咁多始终都系30几蚊嘅饭当然唔会用到好高级嘅食材但至少啲鱼系有揸过而且味道都算系思美所以成件事食起上嚟都几夹只不过呢一间餐厅嘅卫生问题就差少少但以咁嘅价钱来讲都唔可以奢求太多野毕竟佢都系一间成本唔高既餐厅
继续阅读