瀛喜日本料理 (已結業)

今日做完gym好肚餓。。聽日又放假，好想拆番餐勁氹下自己！！即刻打比妹妹叫佢搵下附近有咩放題陪我食~原來元朗美食多羅羅，但係放題就得幾間。我地揀左交通廣場地下既瀛喜，貪佢方便就腳又易搵7點左右去到，唔洗排隊，閒日的福利先黎個刺身拼盆，我最愛既八爪魚無令我失望，好食。要讚既係鮑片，好鮮甜同爽口，無雪藏味**翠肉瓜**勁好味！！除左個醬汁好味之外，重點係厚切~~~~真係口感十足，啖啖都係翠肉瓜汁，好味天婦羅蝦外面鬆脆好重要，另外天婦羅面頭加左少少紫菜粉，幾特別，味道唔錯！八爪魚+螺肉小食，不過不失，無乜驚喜。估唔到泰式鳳爪都有~~~不過得一隻 哈哈。記住點人頭份量喔總括而言，瀛喜食物既水準都唔錯。最讚既係佢地落單 上菜 清潔等既速度，真係快靚正，超有效率。難得食放題唔漏單！！員工們要讚