影片
更多
2006-06-01
9 浏览
尋日生日，老婆請我去左Lardos慶祝，係第一次去，食到十成飽，甜品都食唔晒添。好正！大部份都極滿意，但係唔駛食佢d生蠔，唔靚亦唔新鮮。先講d牛扒，分四種，澳洲Angus、澳洲乜乜(唔記得名)、美國prime同「和牛」，冇諗過食「和牛」，要食「和牛」就唔黎呢度啦！又貴！成500蚊8安士，冇理佢。而各種牛又分sirloin，rib eye同tenderloin，我揀左美國prime既rib eye五成熟8安士黑椒汁，老婆揀左澳洲乜乜sirloin七成熟8安士紅酒汁。首先，牛扒既汁另上，千祈咪「琴琴青」淋落去，我發覺冇汁仲好味，牛扒燒得好靚，好均勻，陣陣炭香，咬落面頭微焦，肉汁全鎖在內，口感好有層次，完全冇點汁既需要。加上個黑椒汁好辣，可能d汁真係自己磨，for襯牛扒黎講就太辣喇！紅酒汁就幾好，唔點都聞到酒香，好醒胃。但我都係鍾意唔點汁！哈哈！講番轉頭，入到Lardos一坐底，waiter就放低兩碗沙律同四件麵包，麵包暖笠笠，好煙靭，正！沙律好鮮，尤其蕃茄仔，爽爆，又甜。叫左個乜乜菇鴨乜清湯，感覺好中式，清得黎有嚼頭，有d料食下，仲要好大碗，一碗兩份飲已好足夠。前菜係生蠔，唔再講喇！另一道
講番轉頭，入到Lardos一坐底，waiter就放低兩碗沙律同四件麵包，麵包暖笠笠，好煙靭，正！沙律好鮮，尤其蕃茄仔，爽爆，又甜。叫左個乜乜菇鴨乜清湯，感覺好中式，清得黎有嚼頭，有d料食下，仲要好大碗，一碗兩份飲已好足夠。前菜係生蠔，唔再講喇！另一道係芒果蘋果伴凍蝦，蝦好彈牙，又多，配芒果汁食好特別，連埋蘋果放入口，又另一種風味。牛扒可選配薯角或焗薯，薯角沾左粉先炸，好香口；焗薯就仲好味，成個配料架俾埋你，芝士粒、酸忌廉、香蔥、煙肉粒任加，好滿足。甜品都唔錯，tiramisu屬於mousse多過cake果種，難得好有酒香，唔知食完會唔會醉呢！？哈哈！仲叫左個chocolate bomb cake，暖既朱古力焗蛋糕內裡有冰冷朱古力醬，冰火口感，唔知佢點整添。
整體黎講，冇得頂！又唔太貴，前菜約$80~110，8安士牛扒約$140~200，甜品就$60左右，兩個人飽到噴都係$7xx，合理。我覺得Lardos除左d用料本身靚之外，個廚師都好高水準，火候掌握得好好，尋日真係食得好開心，老婆又乖到甩轆，總之就Happy Birthday啦！
张贴