木兆小品 (天晉匯2)

工作忙到九彩，晚晚都差不多八點才收工。都市人就系咁忙，工作做極做唔完，唔理咁多醫下五藏六府。走入開業無耐的餐廳食，覺得同另一間餐廳的食物格局差吾多，一問之下原来又同一集團，只系中，西餐之分，每間餐廳的裝修都好有特色。

呢間就系以中餐為主的茶記。叫左二人餐有魚，有菜，有肉，有湯，有飯，有野飲。好似好均衡。

無乜肉鬆嘅四季豆

乾扁肉鬆四季豆，睇見好油，送飯可接受，豆角軟身，無臭青味，無根，算系嫩。肉鬆分量極少，完全食吾到有肉鬆，只是細細粒肥膏點一點肉，名副其實將貨就價。

鱸魚擺設好靚

豉汁蒸鱸魚，睇見好精美，上碟好有誠意之作。當然喺茶記食魚吾好唸住係新鮮㗎，但係呢條魚的肉質都吾霉，魚肉可一塊一塊咁食，條魚又吾细條，算好抵，但係油放多咗。

1

熱辣辣嘅燉湯

茶樹菇燉湯，好飲，因為好夠熱，沒有味精，好足料。無時間自己煲湯水，唯有喺度飲，好過無。

唔使自己Tuk 的檸檬茶

配埋杯懶人檸檬茶，珍珠米煮成嘅白飯。