木兆小品 (天晉匯2)

营业中

休息中

這次的用餐體驗讓我感到非常滿意。首先，沙嗲牛肉的味道非常濃郁，肉質鮮嫩，配上香濃的沙嗲醬，讓人一口接一口，無法抵擋。半焗流心蛋的蛋黃流心程度恰到好處，搭配著柔滑的蛋白，口感極佳，增添了整體的風味。轉炒蛋的質感輕盈且滑順，炒至金黃色，香氣撲鼻，搭配通粉時，讓人感受到家常菜的溫暖。通粉的口感彈牙，與其他菜式相輔相成。不容忽視的是，加配的芝士蒜蓉軟法包，外脆內軟，蒜香四溢，讓人一試成主顧。最後，凍奶茶的清涼感為整頓飯畫上完美的句號，甜度適中，讓人回味無窮。這頓飯不僅滿足了味蕾，也讓人感受到料理的用心，絕對值得推薦！

在將軍澳木兆餐廳，一份看似平凡的下午茶組合，卻帶來意想不到的驚喜。西多士可說是將傳統港式茶餐廳小食推向了極致的完美演繹。外層的麵包經過精妙火候的煎炸，呈現出誘人的金黃色澤，酥脆程度恰到好處。內裡依然保持鬆軟可口，花生醬的香濃與牛油的滑潤完美融合。最令人驚艷的是那一抹蜂蜜，不過不缺，點到即止地提升了整體風味。奶茶的水準同樣出類拔萃，選用優質茶葉，茶香濃郁深沉，奶香馥郁，比例拿捏精準，甜度恰如其分。即使是在茶餐廳林立的香港，這杯奶茶也絕對可以佔據一席之地。這樣的下午茶組合，不僅是味蕾的享受，更是一場令人回味無窮的美食體驗。在芸芸茶餐廳中，木兆確實做出了自己的特色。

由開業幫襯到而家，個水吧好有問題，同經理都反映過好多次，每次叫檸茶少冰，啲冰都係勁多落到杯底，搞到個檸茶勁淡味，尤其係買外賣，太難飲要倒咗佢。都唔明香港啲食肆，係都要落好多冰畀個客，寧願你畀細杯啲，點解唔可以檢討吓、改善吓？下次唔會再幫襯呢間木兆，寧願去隔籬新嗰間茶記。

今日黎食早餐餐肉炒蛋湯米粉，餐黎到發現得一片餐肉，以前係兩片，馬上舉手問問。個女肥侍應埋黎了解，唔識答！返去問咗一輪再黎話餐廳改咗。明顯係老點！最頂引係佢加一句，改咗好耐啦！咁開始又唔識答？咁我都成個禮拜無幫襯。 點知20分鐘後隔離枱個客又係食餐蛋(湯麵)，但係有兩片餐肉。再問點解又係無反應。心唸都係快啲離開好啲！以上供大家參考。呢間餐廳.........................

夜晚未諗到食咩 見到呢間都有唔少人食 就入去試試 叫咗精選二人套餐 ($158 好似係)熱賣小菜揀咗椒鹽一字骨 經典小菜就揀咗家鄕小炒皇啲小菜份量唔算多又唔算係好少 menu圖片只供參考🫢不過最好就多返少少🤣椒鹽骨幾好味 但一字骨關係 無得啖啖肉 🫣小炒皇有啲蝦仁 腰果 銀魚乾等等 味道正正常常 個燉湯又幾多湯料 飲完唔會口渴夜晚嚟講兩個小菜再加有燉湯 呢個價錢都算ok 話說成日見到佢個舖頭名都覺得呢間野係食甜品但嗌二人套餐啲野食太多同個碟太大 搞到張枱好迫🙈

將軍澳中式晚飯餐廳唔多.講真句本人比較喜歡中式菜.好似大排檔咁嘅風味.但真係唔多覺有.例如（東江八珍豆腐煲/啫啫雞煲/啫啫豬膶煲/油泡鮮魷/三杯雞煲.什會炒河粉等等…………）足知今日行過嚟天晉滙見到呢間《木兆小品》有中式廚房小炒.便入去試吓先.我哋兩個人座咗係近門口嘅廚窗卡位.卡位係四人卡座.我哋兩人當然座得好舒服.我哋每人都叫咗中式煲仔小菜套餐包白飯/熱飲.凍飲要加$3元。點餐如下：1. ＂至愛＂黃沙豬膶啫啫雞煲 X1 $73元2. ＂第一＂梅菜皇扣肉煲 X1 $76元跟餐：白飯兩碗 / 熱鴛鴦兩杯

將軍澳翻工最頭痛係食飯成日都要諗食咩好 有咩好食得嚟又唔太貴最新被我試到 係天晉匯嘅桃小品下午茶餐價錢好吸引係呢區嚟講真係叫抵食食物質素唔錯，碗仔翅好大碗而且雞髀即炸好juicy 而且加左小小辣粉超惹味！正👍🏿

同屋企人嚟食晚餐~叫咗個黃沙豬膶啫啫雞煲,豬膶處理得幾好👍🏻食落冇腥味,都有啲爽口,口感唔錯👍🏻雞嘅份量都好,兩款肉都好入味,豆瓣醬味好夠👍🏻另外蠔仔肉碎泡飯味道都OK ,但係湯底唔夠杰,同埋食落去都幾多蠔殼碎要好小心食😅小菜比主食出色😀

收銀員工態度極差仲用粗口鬧顧客！平時lunch都會黎食晏，都無咩特別事發生。琴日食完去埋單嘅時候，個收銀問我要唔要單啦，一時醒唔起需要張單就口快快講錯左唔洗，但好快就發現自己講錯，已經即刻同返個收銀講“唔好意思，我都係要返張單”因為驚佢聽唔到，所以重覆左兩次。結果比完錢佢無比到單，咁我又再同收銀講“唔好意思，我要返張單。”佢之後就用啲勁差嘅語氣話“頭先又話唔要！”我咪同佢再講“我之後有講話要返”然後佢就講左句“X你！”然後勁唔情願印返張單比我！當時我只係戴左一邊耳機，另外一邊無戴到，所以好清楚聽到佢講粗口鬧我！然後我望到佢嘅眼神佢知我係聽到！打上公司投訴無人聽，sd埋email 都無人理！即使我一開頭講錯唔要單，但前後唔夠1分鐘已經話要返，仲要係好有禮貌咁講！結果個員工就用粗口鬧我！

今日兩個同阿仔阿女嚟個Lunch+Tea,午餐過左未食，當Tea係午餐最抵。呢度枱同枱之間較窄，坐卡位就好D。以為Tea細細份，點知嚟親都大大份，相當驚喜。葱油雞蛋豬扒飯呢個飯真係誠意推介，豬扒唔韌夠鬆軟，雞蛋汁撈埋飯度好夾，配埋多多既葱油油，真係好正。金磚西多士配英倫糖漿呢個西多士大件又厚，外脆內軟，配埋糖漿食唔停口，令人回味。豉油皇炒麵配餐肉、半焗流心蛋豉油皇炒麵麵質彈牙，本身麵有d咸，但加埋流心蛋食，蛋汁又中和番。避風塘艇家炒麵呢個炒麵配料有蝦、魚片、魷魚、葱芽菜，麵質彈牙又惹味。

唔知有冇人遇過同樣經歷？我剛係餐廳取餐，因時間過了很久。我問收銀那位女職員，她話沒有我的訂單，但我看見她後面的餐很像是我訂的食物，她一口話是別人枱的單，她去幫我查核後話沒有我的單，她問我是訂什麼食物給她看後，她再望身後的餐話是我，別人貼錯單上去不是她的問題。我一早已叫她望下，她堅持單號不是我，她一開始態度就很差，又惡對住我大大聲想表達她沒有錯，我明白不是她的錯，但她那種惡到想食了客人咁，她一直叫我投訴她，咁我唯有投訴她！有一位職員出嚟不知是否主管就話是之前貼錯單，她新嚟唔熟，這是貴餐廳內部問題，但係她們的員工可以隨便發脾氣發洩到客人到，訂單錯了她可以問其他職員，而家顧客幫襯佢哋錯了係我哋問題唔係佢哋問題。此餐廳的員工態度個個都差😮‍💨這位極品是最差。

開頭經過嘅時候，以為入邊食粥，行咗入去原來都幾多嘢食係正常茶餐廳嘅品種，今日食咗個下午茶正常茶餐廳出品，但係價錢唔算貴，加埋凍飲先$40，餐廳環境都乾淨，幾好坐，可以有下次。但係食完覺得同意落有少少相似（我唔應該咁樣比較😂）

落雨天，費事行。叫左兩個差燒蔥油蛋飯，諗住冇死啦。冇技術可言既野。難食極都有個譜。上琴嚟一見到，d飯一舊舊好似翻叮咁，差燒好鞋，又老。唔知係咪隔夜差燒。隻蛋話就話係流心蛋，但其實係老過乜既荷包蛋。最好食可能就係個蔥油。食到一半真係食唔落。同場叫左個通菜牛肉飯，d飯都係翻叮咁一舊舊。

今天第一次到這間茶餐廳吃早餐，原來可以不選沙嗲牛肉湯底，可以轉蕃茄或清湯底，十分適合我，因為我很喜愛吃蕃茄湯底。一上枱都幾大碗，蕃茄湯都幾濃，牛肉份量也不少。火腿奄列炒得幾香幾滑，麵包可以選丹麥多士。原來丹麥多士幾好味，牛油味好香。朋友選了雪菜肉絲通粉，味道正正常常不會太鹹，味道適中。餐飲方面我覺得幾特別，除了一般的檸茶、檸水、咖啡之外，還有鹹檸水、🍋蜜、菜蜜都不用加錢，算是比較多選擇。餐廳早餐時段也頗多人，但上菜都幾快。款式也很多，除了五香肉丁、雪菜肉絲、火腿通粉亦有全日早餐、豬扒米粉等😀

今日放假，又hea晏左，結果去到下午茶時間，原本想食嗰間今日休息，試新野，門口睇左餐牌都好吸引，裝修新，環境闊落，平日人流比較少，服務好，職員有禮，⭐⭐供應時間： 下午2：00 - 6：00，好少見下午茶餐有咁多選擇⭐⭐🌈點了香煎豬扒酸辣米線+熱奶茶🥤 $37奶茶係用不銹鋼保溫杯裝住，感覺好保溫，茶味濃，我鍾意香煎豬扒酸辣米線（小辣）落單時職員還細心，主動提點有冇需要點小辣，讚湯底一般，豬扒碎上，炸到金黃色，好吸晴👀，豆卜吸收了湯底，好夠味，米線剛剛好，唔會太臨！總結💝：有裝修，位置好，服務好，呢個價錢，真心好合理，下次會再試其他食物！