波士冰室 (已結業)

在荃灣唔知食什麼既時候，就會諗起這間波士冰室，雖然是普通冰室茶餐廳，但小菜同碟頭飯是不錯的選擇。現在人流不算多，都仲卡位可以坐，坐位闊落，尚算光猛。【秘製馬來咖喱-咖喱牛肋條飯】咖喱不算太辣，味道容易入口。加上脆卜卜的吉列豬，真係好大塊，差不多有成隻手掌咁大，外皮鬆脆，入口軟淋，真是不錯。【華田沙冰】超大杯冰凍的阿華田帶點麥芽香，表面再加阿華田粉，每一啖都非常幼滑香濃，飲完令個人秒速降溫。【黑松露蝦球炒蛋】大大隻的蝦球，爽口彈牙，很鮮美，蝦炒出來有一種的鮮甜味，蛋炒得剛剛好，不會太熟，仲帶點濕潤，再加上黑松露，提升了鮮味。【粒粒花生醬西多士】厚厚一塊西多，內裡夾住粒粒花生醬，炸得剛剛好，金黃色的西多士，再配上糖漿和牛油真是一份邪惡甜點。