黑門水產すいさん (棉登徑)

是日同朋友約左係尖沙咀食dinner! 太耐無食過好野,於是朋友選左黑門水產，食返夠滿足！餐廳環境裝潢好靚，真係好日式，睇睇出用左啲心思去整，好有去左日本既感覺。食物方面都一樣無失望，我地點左一人一隻必點既蟹咪噌甲羅燒，一隻原味一隻海膽味，二隻都好多蟹膏，而且食得出好新鮮，有海水味道。店員都好細心會幫手燒。塗落梳打餅度食又另一風味。壽司刺身方面，試左深海池魚刺身，新鮮就唔洗講，口感爽脆，推介。另外，三文魚刺身，三文魚加州反卷用既三文魚都有紋理，而且好厚又肥美。魚子醬脆脆包都係推介，一啖滿足晒食海膽魚子吞拿魚蓉既慾望！另外特別既菜式仲有極上大漁貝燒，帶子好大粒，而且店員一路落清酒落去燒, 夾埋清酒味一流！