盛記粥麵

营业中

休息中

同朋友經過佐敦白加士街，見到盛記粥麵，朋友話呢間粥麵店好好食，每次經過都見到有人等位，主打港式嘅粥、粉、麵、飯，我都好想試吓，今晚就係度食晚餐啦！美味黃沙豬膶粥，豬膶刀功厚薄均勻，口感爽脆，配上熱氣騰騰的粥底煮得綿稠，入口細滑。盛記招牌雲吞撈麵，雲吞皮薄滑，餡料內嘅鮮蝦和豬肉令雲吞食落更鮮更有口感。湯底用咗大地魚、蝦殼、豬骨、金華火腿等食材餚製，湯底鮮甜香濃。麵撈勻蠔油都好爽口彈牙！ 脆炸兩，用自家製油條外層裹着布拉腸粉，薄得透亮，兩者合二為一，外軟內脆，蘸點醬油、甜醬及麻醬最夾。必食推介！蝦米腸口感軟滑，口味變化多段，再配上蝦米和特製的甜豉油，味道清新之餘亦帶點鹹香。加上各種醬汁更加好味！