聚來車仔麵

营业中

休息中

呢間餐廳我之前食過車仔麵同餃子，都覺得唔錯，今次二訪原因係另一個招牌～醬爆阿華田西多士，有朋友食過念念不忘，經常一人揸車去食，講嘢咁誇張，我哋點可以唔試吓😂✨招牌煎餃🥟$32揀左韭菜豬肉🥟大大隻包得好靚，即叫即煎，熱辣辣好香口✨三餸面$45我今次揀左出面比較少車仔麵有嘅上海幼麵！估唔到好夾，口感好滑又吸湯！仲有佢哋嘅秘制辣醬～自家制辣菜脯，夠辣，啱晒重口味嘅我✨醬爆阿華田西多士$37西多士可以配花生醬或朱古力醬，我就選擇咗配朱古力醬，一切開見到有煉奶湧出嚟真係好開心，中間又夾住好厚嘅朱古力醬，點埋煉奶一齊食幸福感爆棚🥰