棋子燒鵝 (金馬倫道)

营业中

休息中

前排食完燒鵝好鬼正有啲掛住，所以就約埋同事收工一齊再去食燒鵝餐，三人行去到尖沙咀嘅棋子燒鵝開餐。三個人叫咗二人套餐，另外再叫一個燒鵝髀瀨粉，點完餐周圍望吓發現餐廳而家做緊十蚊雞優惠，凡購買燒鵝半隻，可以用優惠價 $10 蚊買半隻切雞。套餐其中一款飲品揀咗湯，湯水都幾足料，瀨粉食起嚟爽滑，而且有米香味。好快套餐其他食物亦上枱，叉燒同燒鵝非常有光澤，而且叉燒仲要係燶邊 😋 叉燒係半肥瘦口感無得頂，而且蜜汁甜度適中，食多幾件都唔會覺得太膩。燒鵝例牌同另外點嘅燒鵝髀瀨粉份量都好多，由其係隻下庒，超級大隻大過朋友個拳頭，燒鵝色水幾靚，食落豐腴多汁啖啖肉，仲帶點煙熏味。