食口福茶餐廳 (已結業)

元朗同朗屏都系美食天堂呀，但唔系下下入去大西北都有时间慢慢揾好西，呢间系间唔中都会食嘅平民饭堂😚离朗屏站大约行10分钟，都谂得过。🔸家乡煎豆腐 （$32）👑煎豆腐系必试嘅Item，应该好多餐厅可以煎到呢种外脆内软嘅豆腐。但上碟一阵，豆腐仍然保持到少少脆皮，主要系少少七味粉加热葱花酱油淋系面，味道系刚刚好🤤一共有六旧。以前佢地会用超滑嘅蒸豆腐，而家转番用硬豆腐，味道都keep到👍🏼不过系唔比外卖煎豆腐，话惊淋😂👌🏻🔸四川麻香鸡配葱油饭 （$56）虽然系平民饭堂，分量适中，但鸡非常滑，卖相不俗。饭同鸡会分开上，程度属小麻香，岩哂我地只食到小辣嘅人😬佢酱汁系偏浓味，但唔会盖过鸡味，喜欢鸡嘅你都可以一试。🔸麻辣手撕鸡粉皮 （$42）见网上有几个人赞呢个粉皮，专登试下…但觉得都几难食🤢手撕鸡调味系正常，算是野味，下面就系粉皮，咁就捞捞佢。捞完个粉皮完全挂唔到d酱汁，于是就好似皮还皮鸡还鸡嘅感觉，个粉皮就变得好无味。🔸今次无食炸鱿鱼稣，佢地炸物都ok，唔辜寒嘅份量都抵食。