盛記酒家

营业中

休息中

今日同朋友去咗灣仔盛記酒家食晚飯，味道唔錯，可以一試，尤其推介炸子雞！ 首先係乾撈海皇粉絲煲，一上枱就聞到好香，粉絲乾身得來又唔會太油，仲有唔少蝦粒、同魷魚，食落幾惹味！ 金牌炸子雞，叫左半隻，新鮮整起，皮脆肉嫩，雞肉仲保持到肉汁，點少少淮鹽已經好夠味，呢個高質必點，係我食過數一數二好味嘅炸子雞！ 欖角冰梅骨酸酸甜甜好開胃，欖角嘅香味夾埋冰梅醬都幾特別，第一次食，岩哂送飯！ 最後叫咗個菜 - 蝦乾魚肚浸時蔬，魚肚吸晒湯汁好入味，蝦乾提鮮，白菜仔又夠嫩，清清地平衡返之前嘅濃味。 免費甜品有綠豆沙，煲得好綿，陳皮味香，甜度適中，為呢餐畫上完美句號。 盛記嘅環境就似典型舊式酒樓格局，但服務幾好，上菜快，價錢都算合理，想食傳統粵菜可以試吓！