黑門水產すいさん (棉登徑)

今日去到尖沙嘴嘅黑門水產食日本野，開頭嘅前菜有鱈魚白子同黑門角切海鮮沙律，2款嘅醬汁會令人幾開胃！海鮮沙律就系有唔同角切刺身嘅組合，刺身份量多👍🏻壽司刺身方面，我試咗北海道蜜柑鯛刺身有啲柑橘嘅香氣，魚肉好鮮嫩。海膽蟹味噌甲羅燒只系$88，結合咗海膽同蟹味噌，店員會即場燒烤後更加香口。蔥吞拿魚腩卷有著蔥同吞拿魚腩嘅組合，好多層次嘅口感，2款都必嗌。🤤燒物方面叫咗鐵板宮崎柚子胡椒香蔥牛舌心、燒雞腎同雞髀肉大蔥卷。牛舌心肉質好嫩，柚子胡椒同香蔥令味道更加清新。串燒都屬正常水準☺️