四季常餐 (德輔道中)

营业中

休息中

呢間四季常餐長期都好多人排隊，今次難得十一點幾嗰陣見到唔洗等位，就入黎試下。沙爹牛肉麵常餐 $48呢個餐有一份沙爹牛肉公仔麵、炒滑蛋、一杯飲品同埋一塊多士。多士烤得外脆內軟，牛油搽得相當均勻，啖啖都有牛油香。炒滑蛋好滑，又充滿蛋汁，唔會過熟，好好食。沙爹牛肉麵嘅麵底唔軟唔硬，煮得啱啱好。更重要嘅係，佢嘅沙爹汁非常充足，令到成碗麵都有濃濃嘅沙爹味，好好食。牛肉份量亦都唔少。$48一個常餐唔係特別平，亦唔係特別貴。同價位黎講，呢間算好好食。食完之後明白點解會長期咁多人排隊。