王牌冰室 (聯興街) (已結業)

今日嚟到王牌冰室食早餐，點咗一個沙嗲牛麵，丹麥酥配炒蛋，凍檸茶 $41。丹麥酥配炒蛋丹麥酥夠酥脆亦好香口，炒蛋嘅份量足，好似座山咁都唔錯。沙嗲牛肉公仔麵主角嚟喇，我鍾意沙嗲味夠濃嘅沙嗲牛肉麵，有冇花生粒都已經唔係好鍾意，呢度嘅沙嗲牛汁就完全滿足到我，牛肉配上濃濃嘅沙嗲汁簡直冇得輸，麵質我都好鍾意，唔會太硬，索埋濃濃嘅沙嗲湯底好正呀🤤🤤。凍檸茶就冇乜特別。總結：王牌冰室嘅沙嗲牛肉公仔麵係我心目中嘅全港number one 。