呢排天氣開始轉涼，最啱就係搵間火鍋店打邊爐暖吓身。今日同朋友嚟到鋼鑼灣嘅「火鍋隨意門」，餐廳裝修好有格調。木質枱椅加上暖黃色燈光，整個氣氛舒服又放鬆。
招牌花膠雞湯鍋（半隻雞），上枱嘅時候湯色金黃，香氣撲鼻。店員提示先飲湯，湯底入口順滑，雞味濃郁又帶花膠嘅膠質感，超級滋補。
之後店員幫我哋加入雞塊同花膠，花膠大過塊面，充滿膠質。雞塊煮耐咗都唔柴，仲保持嫩口。
手切本地牛頸背，食材好高質數，油花分佈平均，涮幾秒就已經變得粉嫩Juicy，入口即化，彈牙得嚟又唔覺膩。
深海龍躉片，魚肉厚切啖啖肉，爽口又鮮甜。
鮮淮山,爽脆有咬口，吸收咗湯底嘅鮮味，口感好清新。
鹹蛋黃響鈴，熱辣辣上枱，可以直接食，外層香脆包住濃郁鹹香嘅蛋黃，勁邪惡惹味。
黑松露蟹肉餃，餡料飽滿，蟹肉鮮甜，配上淡淡松露香氣。
足料竹蔗茅根，清甜消滯，啱晒打邊爐飲。
