火鍋隨意門

营业中

休息中

今晚同朋友去咗呢間好有特色嘅火鍋店，餐廳裝潢以4個國家為設計主題，有浪漫醉人法國、風格迥異土耳其、和風日本及古色古香的宮廷，每個角落都很好拍照打卡📷🐔招牌花膠雞湯鍋打邊爐最緊要係個湯底，一個靚嘅湯底可以飲埋啖湯先打邊爐。湯頭用上大量三黃雞同花膠，花膠件件都好厚身，雞味濃郁，湯底又濃又香甜，含有大量骨膠原好養顏，我哋飲左二大碗先開始打邊爐😋🐮蘋果木煙燻手切牛頸脊(細)牛頸脊切得好厚身，油花分布均勻，肉質結實帶油筋，入口軟嫰有嚼勁，肉味香濃，油脂豐富。🥟餃子拼盤 餃子放在自動旋轉擺盤上好有特色🤩未食睇見都好開心🥳每粒餃子脹卜卜，餡料多皮夠薄。有蟹黃餃、韭菜餃、黑松露蟹肉餃、白松露豬肉餃同鮮蝦雲吞餃，一次過試晒不同口味，我比較鍾意蟹黃餃，鮮香味好突出。🥬豐盛蔬菜拼盤 成個花籃賣相好精緻！蔬菜款式種類多，全部都好新鮮。🐠鹹蛋黃炒炸魚皮火鍋必食小食，黃金炸魚皮一上枱已經聞到香噴噴，即叫即炸，每一塊都沾上滿滿的鹹蛋黃蓉，金黃酥脆，好邪惡但係好好食😂 🎋竹蔗茅根用地球儀器皿裝住好有特色，配合餐廳主題！2個人份量足夠飲，味好清甜，打邊爐一流。