伊賀日本燒肉料理 (已結業)

餐廳喺尖沙咀赫德道The Hart嘅3樓，鄰近K11，shopping完嚟食就啱晒。呢度用平板電腦落單，唔駛寫紙仔咁煩，食物種類都幾多，除咗燒肉燒海鮮，仲有刺身、小食、炸物、壽司，要澱粉質嘅仲可以叫白飯、熱烏冬。等燒期間梗係先食刺身啦，叫咗三文魚、帶子、八爪魚、榮螺、松葉蟹棒刺身。帶子刺身又甜又綿，雖然薄啲細粒啲，但任叫就無所謂啦～八爪魚刺身鮮爽；榮螺刺身就又大粒又甜。蟹籽沙律都幾大份而且蟹棒係差唔多佔咗一半，仲有大量蟹籽，絕不欺場。火炙壽司不嬲係賣飛佛，火炙三文魚壽司、火炙牛拖羅壽司燒到啱啱好，牛拖羅食落有微微烤香味再加油脂香味，正。肉類主要係牛、豬、雞肉。伊賀一口牛唔算肥美但肉味都算豐富；日式五花叉燒就同平板相片唔同，冇調味，不過味道都OK。芝麻雞翼就係我對燒雞翼情意結所以又係必食。海鮮類我哋叫咗三種。活蜆係一兜連湯上，不過可能個兜有啲厚，所以都燒一陣先開口，蜆就細細粒不過都幾入味。牛油青口就係必食，隻隻青口都好大隻，上面搽咗牛油，青口新鮮再加香濃牛油味，如果唔係太飽每人食十幾隻都得。牛油金菇又同樣係一兜上，食金菇最麻煩係黐牙，不過牛油嘅鹹香同金菇嘅甜香混合又係無法抗拒。炸物 -