浜滝

营业中

休息中

見網上成日有人介紹佢地嘅龍蝦好得，早兩日終於有機會幾朋友去食。水雲蟹肉沙律入口酸酸的，配上新鮮蟹肉，幾開胃。秘制炸雞原來諗住係普通水準嘅炸雞，但咬左一啖，真係嘩左出聲，熱辣辣唔在講，外皮香脆，肉質嫰滑多汁，頓時都諗唔起香港有邊間可以做到咁出色，真係不能錯過。半熟龍蝦.海膽今日嘅主角出場，龍蝦煮到半熟，肉質極細嫰，配埋鮮甜嘅海膽一齊食，真係無得彈。食完龍蝦肉覺得唔夠喉？唔緊要，重有龍蝦嘅精等緊你，店員可以幫你地煮成龍蝦粥或龍蝦湯，我地揀左飽肚感大d嘅龍蝦粥，吸盡精華嘅粥底香濃鮮甜。我地另外點左油揚燒蠔串、雞肉漢堡串和雞胸軟骨串，質素都唔錯，個人最鍾意油揚燒蠔串，蠔味十足。