REFLECT Restaurant & Bar

今日男朋友帶路，係旺角搵左一間手工墨西哥fusion餐廳，環境好舒服，嗌咗幾款食物都好唔錯🤤Taco（雞肉）咬落香脆，雞肉上面沾滿牛油果醬的creamy、蕃茄🍅莎莎醬的清新微酸、酸忌廉的順滑，玉米片脆卜卜夾住哂一齊食，口感同味道超豐富，仲要超足料，啖啖都係墨西哥風味🌮秘製燒墨魚🦑墨魚燒得外焦，肉質鮮嫩彈牙，秘製醬汁帶點煙燻香，微辣啱啱好，夠哂惹味🔥燴牛面頰捲麵牛面頰燴到入口即化，肉質柔軟多汁，牛既份量都唔少😚，第一次食捲麵，掛汁一流，好入味，口感都幾過癮🍝反轉蘋果撻酥皮上有蘋果煮得軟熟帶焦糖甜香，配埋上面嘅雲呢拿雪糕一齊食，對於勁鍾意食蘋果批既我食完好滿足🍎🍦