鮮入圍煮 (已搬遷) 新店位置

朋友推介過「鮮入圍煮」好多次，但係一直未有機會去試，今日終於一償所願啦！店面設計主打懷舊街市風，甚有特色。環顧四周，有唔少都係遊客，特別多係內地人，真搞笑。濃厚原隻雞煲花膠湯（細）$238個湯底真係不得了，花膠分量多，仲有原隻雞，我當湯咁飲，飲咗好多碗！辣椒牛丸（半打）$28大力推介呢款，都幾辣架，但係好好食！炙燒芝心丸（半打）$28魚蛋皮小籠包（4隻）$28賣相幾特別，食落就係魚蛋。健康芋絲 $24唐生菜 $32稻庭手打烏冬 $28最怕就係食cheap cheap烏冬，好彩呢度供應稻庭烏冬。