古琴雅苑 (譽發廣場)

营业中

休息中

朋友邀請我哋嚟旺角食中菜，可能因為旺角店係新開，所以冇乜人。北京填鴨好出色，食到大家都好滿足😋🔹烤北京填鴨 (半隻) $235一開頭佢放低咗一隻鴨最精華嘅部分 - 烤鴨皮係枱面。呢個烤鴨皮係完全冇肉冇水份，烤得好乾脆嘅，點糖食或者點酸梅醬食會好啲，中和番個油膩感。片皮鴨塊皮睇落閃令令，油脂分布均勻同埋塊皮好脆口，好正😍第二塊放係荷葉餅皮上面，再加埋填鴨醬、青瓜絲、哈密瓜絲、蔥條，包埋一齊食，OMG🤩好正🤤大推🔹風味松子魚 $258松子魚好大條，魚炸得外脆內嫰，完全冇骨或者小碎骨，啖啖都係肉，配埋啲甜酸醬一齊食，酸酸甜甜，好好食😋🔹農家醬炒牛肉 $148呢個菜式比較辣，食唔到辣嘅朋友就未必食到呢個餸。牛肉好嫩口，好岩送飯食，而且佢啲配菜木耳同埋韮菜都好入味，好食😋🔹古琴鹹肉菜炒飯 $118炒飯粒粒分明，每啖飯都食到有菜，口感十足，呢個炒飯都唔錯。