八幡屋日本料理 (已結業)

難得週末，梗係要約齊朋友去大吃一餐啦。而今次我地決定轉戰旺角八幡屋既升級版放題。入場坐低，每人加多$50蚊，即可轉升級版放題，試曬所以野，首先黎個刺身先，由於係升級版，刺身方面除左三文魚，甜蝦之類外多番帶子，虎蝦刺身，同鯛魚腩。總體黎講，刺身還算新鮮，虎蝦刺身好清甜，帶子大大粒超正。 跟住落黎係生蠔，可能由於同朋友們抱住食番夠本既心理，雖然個晚生蠔普遍黎講都略為過腥，但係我地左好多輪。當然呢個價位亦都唔可以要求太多啦 至於壽司方面，火炙三文魚同火牛壽司，強力推薦。 烤物方面，推薦椒鹽虎蝦，烤得好入味，外殼都卜卜脆 虎蝦都好大隻下至於其他烤物同天婦羅方面，亦有好多種選擇，但相對黎講欠缺特色。 甜品方面，八幡屋可以話系本人去過既放題鋪入面較為多選擇同甜品相對有自己特色既店鋪，焦糖菠蘿係得既。總括而言，是次升級版放題，值四粒星。