影片
更多
2022-09-27
1318 浏览
聽呀媽講，當年呢間名門私房菜真係一位難求，呢間由名廚楊貫一既徒弟胡氏夫婦創辦嘅私房菜，今日終於帶媽咪去會一會佢啦~ 入到黎其實先六點幾，但餐廳入面其實已有 6, 7 成滿，好誇張!入面裝潢係好 8,90年代金光閃閃風 螺頭燉翅骨湯呢個湯不得了，一入口個感覺到個膠質感超濃(係滿滿既骨膠原！） 再睇睇有咩材料，除咗魚翅骨入面仲有螺頭片同豬展等等鮮蟹肉瑤柱洋蔥焗蟹蓋起初以為蟹蓋細細個啲肉都唔會太多，點知! 原來勁多料！每一啖都有滿滿既蟹肉，再配埋洋蔥瑤柱口感同味道都變得更豐富，一個完全唔夠喉!好想食埋媽咪嗰份哈哈原隻鮑魚扣鵝掌係我最鐘意既鮑魚呀，口感彈牙爽口而且好入味，再配埋鵝掌同唐生菜黎食一流 懷舊蝦多士拼大良炸鮮奶兩樣上到黎都係熱辣辣，見到蝦多士上面有原隻大蝦，多士入面都有滿滿蝦膠做餡，食落蝦肉好鮮甜同JUICY~~食嘅時候再蘸埋個梅醬，酸酸甜甜就中和返嗰種油膩感至於另一款炸物係大良名物炸鮮奶，外皮就炸到金黃香脆，至於個鮮奶餡仲非常滑溜而且奶香味濃，食到停唔到口呀古法瓦罉豉油雞個雞用原個瓦罉上檯，一打開就聞到陣陣玫瑰酒味道，入面嘅雞全部黑忟忟，用咗老抽上色，未食都知佢勁入味。雞肉除咗有濃
入到黎其實先六點幾，但餐廳入面其實已有 6, 7 成滿，好誇張!入面裝潢係好 8,90年代金光閃閃風
螺頭燉翅骨湯
呢個湯不得了，一入口個感覺到個膠質感超濃(係滿滿既骨膠原！） 再睇睇有咩材料，除咗魚翅骨入面仲有螺頭片同豬展等等
鮮蟹肉瑤柱洋蔥焗蟹蓋
起初以為蟹蓋細細個啲肉都唔會太多，點知! 原來勁多料！每一啖都有滿滿既蟹肉，再配埋洋蔥瑤柱口感同味道都變得更豐富，一個完全唔夠喉!好想食埋媽咪嗰份哈哈
原隻鮑魚扣鵝掌
係我最鐘意既鮑魚呀，口感彈牙爽口而且好入味，再配埋鵝掌同唐生菜黎食一流
懷舊蝦多士拼大良炸鮮奶
兩樣上到黎都係熱辣辣，見到蝦多士上面有原隻大蝦，多士入面都有滿滿蝦膠做餡，食落蝦肉好鮮甜同JUICY~~食嘅時候再蘸埋個梅醬，酸酸甜甜就中和返嗰種油膩感
至於另一款炸物係大良名物炸鮮奶，外皮就炸到金黃香脆，至於個鮮奶餡仲非常滑溜而且奶香味濃，食到停唔到口呀
古法瓦罉豉油雞
個雞用原個瓦罉上檯，一打開就聞到陣陣玫瑰酒味道，入面嘅雞全部黑忟忟，用咗老抽上色，未食都知佢勁入味。雞肉除咗有濃濃鼓油味同玫瑰酒香，入口雞肉好嫩滑完全無碎骨，半隻雞份量好足，所以食到呢度已好飽了~~
麵醬啫啫唐生菜煲
頭先食咗咁多肉肉同海鮮，都係時候要食返啲菜消化一下~~我最鐘意啫啫煲，因為上到黎一定熱辣辣而且啲香味係周圍都聞到，令到胃口變相更好～ 一開煲，濃濃麵醬味就撲埋黎，同唐生菜一齊撈埋食，每條菜都吸收到啲汁，超惹味呀
蛋白杏仁茶
杏仁茶好香滑，蛋白仲好幼滑，相當有水準
张贴
