牛匠石燒 (已結業)

前幾日嚟尖沙咀，見到呢間食燒肉嘅餐廳。好耐冇食啦，見佢一百蚊唔使就有個餐，一於試下！我同朋友一人一個餐。E. 厚切牛舌拼牛五花定食 $98配前菜、白飯及味噌湯 牛舌切成長方形條，幾厚身，好有口感。燒咗大概一、兩分鐘就食得，又有肉汁，而且唔會太過韌身。至於牛五花肉薄身，燒幾吓就可以，都幾香牛脂感。I: 嚴選風門柳定食 Hanger Steak $98配前菜、白飯及味噌湯 好大條好厚身，一開始仲驚要煮好耐。點知好快就煮熟，仲要好軟身、肉質鮮嫩。小食：和風芥未脆牛舌 +$15x2我同朋友都好中意食牛舌，所以叫咗兩份。外面脆得好香，入面嘅肉質好有咬口、有彈性。飲品 +$10x2叫咗菠蘿乳酸同埋蜂蜜柚子茶，呢兩個都好飲，比較甜嘅飲品。