生生市場 (捷榮樓)

营业中

休息中

好耐冇食炸雞了，呢一晚好想食炸雞🤤諗起呢間韓式外賣店😍呢間外賣店嘅地點就喺正元朗千色廣場對面，佢哋有好多款韓國美食，一定要試嘅係炸雞！佢地有幾款炸雞，我就叫咗其中兩款。佢有大size同細size, 價錢都幾抵食。首先，我叫咗芝士無骨炸雞(s $58)同蜜糖蒜蓉無骨炸雞(s $58)兩款炸雞都好香脆，外皮炸得金黃酥脆，一口咬落去，彈牙多汁。芝士無骨炸雞上面覆蓋住一層濃郁的芝士，入口即化，帶出濃濃嘅芝士香味。而蜜糖蒜蓉無骨炸雞則帶有微甜微蒜嘅味道，非常開胃😋😋兩款炸雞份量都好足夠，價錢又實惠，非常推薦！另外，我仲叫咗烤牛肉拌飯($63)同海鮮煎餅($58). 烤牛肉拌飯嘅牛肉燒得恰到好處，肉質鮮嫩多汁，呢個拌飯有紅蘿蔔絲、豆芽、青瓜絲等等幾種唔同菜，面頭仲鋪咗好多紫菜😋 仲有一隻荷包蛋添🤤🤤一啖食落去口感真係好豐富。海鮮煎餅裡面有唔同嘅海鮮配料，外皮煎得酥脆，味道鮮美，非常開胃。吞拿魚紫菜飯捲$50 飯捲用紫菜包住吞拿魚同飯，配上醬料、蛋、紅蘿蔔絲同青瓜絲等時蔬，口感鮮美。總括而言，生生市場韓式外賣店嘅菜式多樣豐富，味道鮮美，份量足夠，價格合理。又有好多唔同選擇：炸雞、飯捲、拌飯同煎餅等。