影片
电话号码
28193338
营业时间
今日营业
10:30 - 20:00
星期一至日
10:30 - 20:00
公众假期
10:30 - 20:00
公众假期前夕
10:30 - 20:00
以上资料只供参考，请与餐厅确认详情
相关文章
呢日去开元朗，在市中心路过依间专卖韩国食品店嘅生生市场，款式种类好多，有熟食亦有生酱油蟹，天气咁热想食啲开胃野嘅饭卷、炸鸡、韩式炒粉丝等，即刻入店内拣番啲韩式食品返屋企先 ~韩式杂菜粉丝午餐盒 $80午餐盒里面有多款食材，韩式炒粉丝，粉丝弹牙爽口，配料丰富，带香甜好美味，微辣爽口嘅泡菜，莲藕酱汁入味，豆芽及菠菜带清新麻油香，适合拌饭。配合蔬菜味噌汤，汤味清甜，洋葱鲜菇爽口，不错嘅午餐盒。 蜜糖牛油无骨炸鸡 $58去咗骨嘅炸鸡，方便易食，韩国鸡肉味香，质地嫩滑唔干身，而且有肉汁，炸到外脆内软，而依度嘅炸鸡有独门技巧制法，炸出嚟唔油腻又鲜嫩酥脆嘅鸡件，沾满香甜嘅蜜糖牛油，口感层次更丰富更惹味。甜辣无骨炸鸡 $58炸至金黄嘅无骨鸡块，外脆内软，好香口，鸡肉鲜嫩，入面有肉汁，食落唔油腻，外层沾满甜辣酱汁，微辣香甜，越食越滋味。烤牛肉紫菜饭卷 $53馅料丰富嘅牛肉紫菜饭卷，牛肉香浓，肉质鲜嫩，配搭埋其他食材有紫菜、青瓜、蛋、红萝卜、脆瓜、生菜等，喜欢好多材料，清爽鲜甜，食出唔同味道，多种层次，好美味。
继续阅读
今晚终于有机会去元朗生生市场买外卖，真系好开心呀！😆 呢间韩国餐厅啲野食真系够哂正宗，食完有返去韩国旅行嘅感觉！🇰🇷我哋叫咗个2-3人套餐，份量啱啱好，啲嘢食又新鲜又足料。吞拿鱼紫菜饭卷好足料，吞拿鱼同紫菜味道夹到绝，饭粒烟韧唔会太湿，食落去好满足！🍣 人参鸡汤一打开已经闻到香味，鸡肉好嫩滑，汤底够晒浓郁，饮完成个人都暖晒，好滋补！🍲甜辣无骨炸鸡真系超正，外皮脆卜卜，甜辣酱汁好惹味，唔会太辣又唔会太甜，啱晒香港人口味！🍗 新鲜辣泡菜爽口又够辣，食落去好开胃，配饭一流！🥬 青葡萄汁同甜米露都好特别，青葡萄汁清新解渴，甜米露饮落去有淡淡米香，食完咁多重口味嘢饮返啲清新饮品真系啱晒！🍇🥤另外加咗份韩式炒粉丝，粉丝烟韧唔会太油，配料多，味道好香，食到停唔到口！🍜 整体嚟讲，生生市场啲韩国菜真系有水准，价钱合理，份量足，服务又好，外卖包装都好细心，返到屋企都仲热辣辣！👍下次一定会再帮衬，推介比钟意韩国菜嘅朋友！😋
继续阅读
抵食又好味 韩食外卖专门店🤤又要介绍小编不断encore的韩式外卖小店「生生市场」俾大家了，未食过真系要去食。佢地而家有埋下午茶便当，星期一至五（14:00-18:00）就有得供应，小编有时收工都买返个，份量都够晒夜晚食🤩便当有得拣紫菜饭卷同炸鸡口味：小编就拣左必食的辣猪肉紫菜饭卷、甜辣炸鸡配韩式粉丝、猪肉饺子，仲有泡菜同甜酸渍萝卜。咁多野食都只系$49！而且好好味！🤯辣猪肉紫菜饭卷每次都必点的就是辣猪肉紫菜饭卷，猪肉带甜辣味，蔬菜爽脆，非常足料，和紫菜包饭亦好夹！其他都正常发挥，特别想提及甜酸渍萝卜，小编估唔到咁好食酸酸甜甜的萝卜作为开胃菜或者总结都很不错，同时萝卜非常爽脆。钟意食呢啲渍物嘅一定唔好错过呢个萝卜❤️除咗便当之外，小编都叫咗其他嘢食：吞拿鱼紫菜饭卷一样都咁好食，吞拿鱼好多，鱼味超浓，同啲配菜好夹，超正👍一大份有12件，超抵食。香蒜蜜糖炸鸡小编最爱的炸鸡，香蒜蜜糖味，无骨炸鸡啖啖肉，鸡肉质嫰滑，拎到返屋企，外皮依然脆卜卜，大推。人参鸡汤今次仲试咗人参鸡汤，呢款好啱长辈口味，人参鸡汤鸡足足有半只咁多，仲要配埋一大碗白饭。汤底食到少少葱花，淡淡人参味，以$68呢个价钱嚟讲好抵食凉拌菠菜凉拌菠菜都唔错，蔬菜新鲜，用了麻油调味。👉元朗店地址:元朗教育路2-6号捷荣楼地下C号舖👉湾仔店地址:湾仔坚拿道西15号永德大厦地下G13号舖#moodzfoodie #moodzfoodz#moodzfoodz元朗#生生市场 #元朗 #湾仔 #韩国菜#韩国美食 #香港美食 #香港网红打卡 #香港美食探店 #炸鸡 #元朗美食 #湾仔美食 #foodie#hongkongfoodie #korea
继续阅读
呢排要帮公司物色到会嘅餐厅，咁岩见到呢间专做外卖嘅韩国餐厅。放眼望过去，见到佢好似好多餐牌好多选择，喺推俾公司之前，自然一定需要试下先。呢度除左熟食，仲有啲生嘅烧肉可以选择，有啲仲系腌好左，又真系好方便。我地拣左个二人餐，佢个二人餐都好抵食，$200有找已经包左饭卷，汤，炸鸡，泡菜同埋饮品，同埋个份量绝对系超多。我想讲下佢呢度嘅泡菜有两款，一款叫原味泡菜，一款叫新鲜泡菜。我地拣左后者，原来系腌制嘅时间冇咁长，味道冇咁咸冇咁酸，我觉得好好味。炸鸡我地拣左甜辣酱味，因为外卖都比较远，所以炸鸡俾啲酱整到腍左。但系佢啲鸡系好滑嘅，如果热辣辣即刻食一定劲好味。跟住仲有个烤牛肉紫菜饭卷，呢度系足一条嘅份量，见到啲料都好足，够晒爽脆，系正嘅。我地拣左个人参鸡汤，又系好足料架，有1/4只鸡，呢个除左汤嘅饭之外，再跟左个白饭，所以真系多到食唔晒。另外职员推介左个蛋卷，佢话呢个唔系成日有，但好好味。一试之下又真系好正，我觉得呢款系手工菜嚟，因为佢个蛋卷系由好多好多层做成，中层唔同嘅层数仲要夹左唔同嘅配料，真系好好味。饮品嘅选择就全部都系韩国直送嘅饮品，有三款果汁同埋一款甜米露拣。试菜结果十分满意，睇埋佢个到会价钱仲要一啲都唔贵，款式都多，系一个好好嘅选择。
继续阅读
去元朗探完嫲嫲，顺便买外卖番屋企食。见到有间专做外卖店既韩国餐厅，就拣呢间。地方好方便，就喺大马路附近，千色对面，买完外卖可以去千色行住街等。不过其实都唔洗等好耐，落单后10分钟都拎到。下午茶时间，有个tea set 好抵食。$49有一人份量，有主食2款+小食2款+前菜，可以一次过食几款菜式。另外再叫左其他食物比爸爸一齐食。呢间外卖店比人感觉好衞生又稳阵，佢d 外卖大部分用透明胶封好晒，唔怕拎番屋企途中，或外卖员运送途中倒泻。Tea set：（$49）🍗烤牛肉紫菜饭卷4件烤牛肉香嫩多汁，搭配腌萝卜、菠菜同蛋丝，口感超丰富！🍗韩式炒粉丝粉丝Q弹有咬口，拌入蘑菇、红萝卜同菠菜，芝麻同麻油香点缀得刚刚好。🍗甜辣无骨炸鸡2件冇骨鸡件食起上黎好方便。配上甜辣酱，辣味唔多，适合食唔到辣既人，甜甜酸酸好开胃😋🍗香脆韩国猪肉饺子1件外卖炸饺子黎讲，佢都算keep 到香脆🍗原味辣泡菜够辣度，好似韩国泡菜😋🍗甜酸渍萝卜🍗杂菜煎蛋卷（$55）加左杂菜，营养成分更高。蛋卷煎得金黄蓬松，内馅有红萝卜同杂菜，口感层次丰富！而且每一件蛋卷都好大件，食多2件都够饱。🍗吞拿鱼紫菜饭卷（$53）牛肉猪肉既紫菜饭卷食得多，今次叫左吞拿鱼新尝试，同时比少机会食鱼既小朋友可以唔觉意食到。味道好夹，饭卷整得好好，唔易散。🍗韩式烤鸡伴饭（$65）虽然系外卖，拎到番屋企仲系热既。鸡肉烤得恰到好处，配上韩式辣酱既甜辣比例完美，拌上紫菜碎、芝麻同白饭，每一啖都超满足🤩🍗凉伴菠菜（$28）虽然每个菜式都有d杂菜，都习惯叫一个菜。菠菜有丰富铁质，好多时都会叫菠菜食。调味调得好适中，加上芝麻增添香口感。
继续阅读