黑門水產すいさん (棉登徑)

黑門水產嘅地理位置真係超級方便，搭地鐵去步行1 2分鐘就到，啲野食又高質，所以通常晚市都大排長龍非常熱鬧~有好幾款食物小編都好覺得超好食，值得推介！1️⃣甲羅燒&燒帆立貝⭐️⭐️⭐️⭐️⭐️熱食真係好正！唔使多講，睇睇相就知幾正～甲羅燒爆曬膏，啲蟹膏好甘香，撈埋鵪鶉蛋、蟹子再送梳打餅食，個味襯到可以話係絕配！帆立貝上面放埋海膽一齊蒸，又香又鮮甜😋2️⃣池魚&海鮮丼⭐️⭐️⭐️⭐️⭐️今晚叫得最貴嘅就係呢味薄切深海池魚，但絕對物有所值！食材非常新鮮，點少少 wasabi 豉油一啖咬落去啲鮮味你就會覺得好值得！另外海鮮丼飯都好足料好多海鮮，除左阿根廷大蝦三文魚吞拿魚等等，仲有一小份海膽同帶子，食到欲罷不能!總括而言食物好高質，其他反卷或者關東煮都好好味，仲有特色嘅巨峰提子味、柚子味啤酒，熱愛食日本嘢嘅朋友必試!!