郁香園牛丸麵 (已結業)

Item: 郁香園牛丸麵
Rating: 3
Author: 奧志雷

3.5

11 食记

味道

环境

服务

卫生

抵食

346

红磡

$50以下

港式粉面/米线

奧志雷

等级4

2.1K

新舖地方舒適寬敞，冷氣夠勁，空氣流通，乾淨企理，同舊舖真係差天共地，天堂與地獄，豬扒與刁蟬啊 ﹗食客都不少，幾乎坐滿全場，不過飯午時間都不算爆啦。可能舊客仔不知道搬新舖，又可能舊客仔厭行得遠掛。

喜見菜牌上有新奇食品喎，黑椒豬肚丸？有趣有趣。暫時只嘆過郁香園手打牛丸、牛筋丸、黑椒牛丸，全部高質無投訴，好好味架呢 ﹗還有很多很多美食未有機會品嚐呀，不知道還要幫襯多少次才能全部試完。

等食期間東張西望，牆上貼滿日本雜誌報導喎，香港果真臥虎藏龍，利害啊 ﹗日本雜誌做左個丸之彈力測試，非常有趣得意。有多款手打丸寫真，全部高質新鮮爽彈又真材實料，好味味無投訴。高海玲肖像呀 ﹗莫非食得郁香園肉丸多，所以有玲瓏浮凸的魔鬼身材，變成豐滿誘惑的性感尤物？

炸魚皮，只食一碗牛丸麵那會夠飽呢，加多碟小食穩陣多了。炸得香脆乾爽，咸味突出不過份，咬落卜卜脆。由細到大我都較喜歡放湯同吃，吸盡甜美湯汁，半脆半腍，特別滋味。

黑椒豬肚丸麵加鮮牛肉走蔥，初嚐黑椒豬肚丸，第一次見您好嗎？熱騰騰原粒啪入口，不讓任何味道或香氣有機會溜走 ﹗爽爽爽又彈彈彈啊﹗肉汁毫不遜色於其他肉丸，不苦不澀、不羶不腥，只有甜美的味道。如果唔講明，根本想象不到會係豬肚做的呢。從未食過如此爽彈的鹼水麵，雖然間中嬸嬸都會失手，烚得麵條腍了一點點。

紫菜四寶麵走蔥，滑滑的牛丸在舌尖上跣來跣去，如脫韁野馬般跳動，找緊機會一咬，肉汁溢出如甘露潤澤乾涸的脣齒，那種澎湃的肉香湧上心頭，食到要舔舔小嘴呢。豬肉丸，豬味濃濃而突出，油香非凡，特別地有種嚥韌的質感，更使人趙得津津有味。

魚蛋，鞋鞋的表面、實實的裡面，咸咸的沒什麼特別。魚皮餃，滑潺潺中又不失嚥韌質地，難得的腥味強烈，免強還能吞下肚。紫菜浸在肉丸牛骨湯中，味道已溶入湯汁，特別香甜還散發著海水咸香，吸收湯汁的紫菜掛在幼麵大注大注啜入口，爽脆可口。

貢丸麵加鮮牛肉走蔥，真真正正未經醃製、未經加工的鮮牛肉啊﹗勁喜歡、勁鍾意，最愛天然原汁原味無添加。絕對新鮮，質地結實嫩滑，牛肉鮮甜濃濃，可口無比，肉汁非常豐富，灼一灼嫩紅七成熟，最好食既時候。質素直迫新鮮手切牛頸脊啊 ﹗加牛肉只需 $10 蚊，而且比相併份量較多，較為抵食。

不知為何自動波順口地叫了貢丸呢，真奇怪。手打貢丸豬肉味非常濃厚，相反菇味就不太明顯而微弱，質感異常爽彈又滲著肉汁，心滿意足啦。湯底最重要，靈魂所在。

牛筋丸麵加鮮牛肉走蔥，手打牛筋丸質地幼滑細緻又爽口，表面比牛丸粗糙，但質感更嚥韌又更有咬口，肉汁澎湃兇湧，在舌尖上不停跳動，牛味濃濃回味無窮，美甜牛肉味的餘韻久久不散。

灼過鮮牛的湯散發強烈肉香，又香甜又濃郁，真係要一滴不漏飲晒落肚，不可以浪費呀 ﹗勁爽勁彈牙幼麵，真係好想食多幾碗呀 ﹗索索聲的幼麵，滿意的爽彈，沒有半點異味。掛上濃厚冬菜牛骨肉丸湯，好食到停不了，就連湯都一滴不漏盡灌到肚裡去，精華所在欲罷不能 ﹗

郁香園係少數無需加辣椒油，無需任何調味的麵家，因為原味已非常好食，添加只會破壞原創味道 ﹗嬸嬸非常慳家架，每次湯底只是緊緊蓋過麵條的呢。實在太好味，不能自拔，連麵帶湯食得乾乾淨淨，碗底反光喇 ﹗

黑椒牛丸麵加雲吞走蔥，彈力驚人的黑椒牛丸，不慬充滿彈性充滿幼滑，而且鎖住如洪水般的牛肉汁，一咬爆開飛射，完全噴滿整個口腔，甜美濃郁散發黑椒芬芳，香而不辣。汁液注滿齒縫與味蕾之間，引人入勝、回味無窮。並未遇過其他舖頭能夠做得到，味濃而爽彈，食極唔夠無得彈 ﹗

身價 $3 蚊粒的雲吞，質素味道不過不失，蝦粒都咸爽、豬肉甜香、雲吞皮薄而滑，一口 size 細細粒容易食，good ﹗唯一扣分係咸了一點點呢。人家招片打明牛丸就食牛丸啦，死都要包坳頸食其他，抵您架。

蠔油芥蘭，在不知不覺間非常順口地叫了芥蘭食，都不合時令季節呢 ﹗不過出奇地超爽甜，無渣又鮮嫩喎，連莖都全部食晒無得留低，出乎意料的好味道。