豐信餃子店

呢一間餃子店喺太子勁受歡迎，長期都有唔少人喺出面排隊，全因佢哋嘅餃子又平又好食！佢哋嘅餃子有三種煮法，分別係邪惡金沙餃、煎餃、湯餃，我自己覺得三款都各有特色！金沙餃每一粒都充滿鹹蛋黃，每一啖都非常甘香！煎餃每一粒都煎到非常香脆，而且唔會太油膩～至於湯餃就會贈送一碗椰子海帶鮮雞豬骨濃湯🥥，碗湯清甜超好飲，夠晒足料又有住家feel！👍🏻👍🏻

我今次叫咗三款餃子，分別係芝士粟米鮮肉餃🧀、韭菜鮮肉餃🐽、南瓜粟米鮮肉餃 🌽，三款都各有特色，不過如果要揀一款我最鍾意嘅話，我就會揀芝士粟米鮮肉餃，每一粒餃子都有滿滿嘅芝士，做到拉絲嘅效果，勁邪惡！😋😋

秘汁鹵蛋🥚
滷水蛋嘅醬汁非常濃郁，味道有啲似更加濃郁版嘅茶葉蛋，好食有益又飽肚！

飲品方面，佢哋有四款涼茶可以揀，我哋今次嗌咗清熱潤喉羅漢果甘草茶🌱 同埋 柑桔蜜🍊，價錢又平又大支，主打足料又好味！