曜 (已結業)

中式西式私房菜食得多, 日式私房菜真係比較少食, 今晚車車嚟到E間開業無耐嘅曜試下! 餐廳除左提供廚師發辦外, 仲有宴會, 割烹甚至客人發辦, 只要你想食, 廚師就會煮, 當然要早一日落order啦! ⭐生牛肉他他牛肉用左蘋果，香蕉，菠蘿，奇異果四種水果醃製, 再用紫菜包住富士蘋果絲與生牛肉同食, 先感受到清新感覺，再享受到軟滑牛肉嘅鮮甜味⭐岩手縣生米崎蠔只加少少岩鹽調味，口感豐富creamy,海水味十足 ⭐銀鱈魚只是輕輕燒一燒迫出魚油令刺身更加香，同時保持肉質嫩滑 ⭐北海道帶子輕輕網燒後令帶子更香更甜甜，又保持帶子軟滑口感 ⭐Akami全條魚最少根嘅部份，入口軟滑，魚味濃郁 ⭐野菜雜煮作為食壽司前嘅小間場非常好, 湯汁由大根製成配合松葉蟹，鮮甜美味, 海老丸蝦味突出，非常彈牙, 據說可以彈到好遠嫁🤭 ⭐牡丹蝦蝦膏燒一燒，放回蝦身上，令整件壽司更加香甜 ⭐金目錭油脂適中，燒一燒魚肉配上山葵漬，增加味道層次感 ⭐深海池魚王魚腩部份入口爽口，燒一燒迫出池魚獨有油脂香味，再品嚐一啖sake，米香甜味更突出 ⭐右口魚邊油份超多，入口即溶，黑松露減少油膩感，魚油溶係飯入面，非常好味 ⭐Tora用