影片
更多
2007-12-10
3 浏览
睇完啲食評,好吸引,星期五放工馬上嚟試下。七點前已經到埗,由於時間尚早,大把位。見到餐牌咩都想試,得兩個人,都叫咗幾多嘢。1. B餐(包括吉列大蝦、吉列蠔及吉列肥大帶子各一件,美味烏冬一碗,新鮮迷你三文魚魚子飯及前菜一碟)炸物好正,香、脆、唔油膩,炸漿亦唔太厚。烏冬彈牙。必試。三文魚新鮮,飯就差少少。2. 辛口魚生飯(包前菜一碟及味噌湯)唔記得前菜係魚肉定雞肉,好腍,加咗少少沙律醬嘅。幾好味。我無食個飯,但老公話唔錯。3. 味噌豬排記得加片生菜一齊食,生菜清淡爽口,能中和炸豬嘅膩口同略咸嘅醬。都好好味。4. 天婦羅大蝦一客六大隻。又係好正,香、脆、唔油膩。必食推介。5. 黑芝麻布丁餐牌無寫,我地係睇咗食評所以識得叫。面層黑麻麻,好CREAMY嘅,就係靈魂所在,好香濃幼滑嘅芝麻醬。下面係滑滑嘅淡口芝麻布丁。唔係好多地方食到,只係$22,亦係必試。留意,七點幾已滿座,可訂位。我地隔離枱坐咗兩個日本人,連日人都嚟食,呢度啲嘢應該幾正宗。仲有呀,服務殷勤,老板態度親切,雖然漏單,要我等成半個鐘先食到個B餐,不過,食到好味嘅嘢,算啦~
七點前已經到埗,由於時間尚早,大把位。
見到餐牌咩都想試,得兩個人,都叫咗幾多嘢。
1. B餐(包括吉列大蝦、吉列蠔及吉列肥大帶子各一件,
美味烏冬一碗,新鮮迷你三文魚魚子飯及前菜一碟)
炸物好正,香、脆、唔油膩,炸漿亦唔太厚。
烏冬彈牙。必試。
三文魚新鮮,飯就差少少。
2. 辛口魚生飯(包前菜一碟及味噌湯)
唔記得前菜係魚肉定雞肉,好腍,加咗少少沙律醬嘅。幾好味。
我無食個飯,但老公話唔錯。
3. 味噌豬排
記得加片生菜一齊食,生菜清淡爽口,能中和炸豬嘅膩口同略咸嘅醬。都好好味。
4. 天婦羅大蝦
一客六大隻。又係好正,香、脆、唔油膩。必食推介。
5. 黑芝麻布丁
餐牌無寫,我地係睇咗食評所以識得叫。
面層黑麻麻,好CREAMY嘅,就係靈魂所在,好香濃幼滑嘅芝麻醬。下面係滑滑嘅淡口芝麻布丁。唔係好多地方食到,只係$22,亦係必試。
留意,七點幾已滿座,可訂位。
我地隔離枱坐咗兩個日本人,連日人都嚟食,呢度啲嘢應該幾正宗。
仲有呀,服務殷勤,老板態度親切,雖然漏單,要我等成半個鐘先食到個B餐,不過,食到好味嘅嘢,算啦~
张贴