六両三 (已結業)

今日晚餐去左食台灣野 六両三。餐廳喺尖沙咀 宜昌街，地鐵站行出去都唔係好遠餐廳裝修簡潔，用上木枱櫈，企理乾淨。餐廳用QRcode落單，台灣牛肉麵呢d就一定油。而見到呢間台菜有整麻醬麵，一於就試一試。飯麵等可以加唔同小食，就算一個人都可以試多一兩款。我就叫左麻醬麵，加配飲品 無糖白桃烏龍茶麻醬麵份量正常，麻醬味道一上枱就聞到好香，面頭加上青瓜絲。麵粗幼適中，麻醬濃而不油，掛到哂上每一條麵條，加上清新嘅青瓜絲，口感唔錯。餐 加配甜品 荔液滿白峰（+28）加配都幾抵食，有齊幾樣台式甜品材料，芋圓，仙草，荔枝爆珠，香草雪糕芋圓煙韌有咬口，唔會太硬。仙草清涼，帶甘香，加上甜甜嘅荔枝爆珠，甜味剛好。香草雪糕食落口，香草味濃。無糖白桃烏龍茶，有微微嘅白桃香味。烏龍茶香濃，飲落非常舒服。