劉伯炭爐專門麵店 (已結業)

真不知此店是否有店名，不過openrice改既呢個名又確實幾得，”劉伯炭爐專門麵店”此名真有一種台灣食店既感覺。上年因為雜誌介紹，恰巧半夜打完機後肚空空，遂到此巷仔嘗一嘗古法炭火雲吞麵。由於巷仔隔鄰就係菜市場，入夜後市政處都會到此一帶洗地，滿地濕濕的，實非進食既好環境。同行朋友乃係欠缺味蕾既一類人，所以亦懶得向佢多作介紹揀選此店原因，本人當然選擇雲吞麵，而友人則選黑椒牛丸麵...十分鐘過後，兩碗麵終於上桌。說實在，真係耐左少少～先試一啖湯，並非甚麼絕世好湯底，但亦不算差。麵就一點鹼水味都沒有，亦不覺太彈牙，感覺似媽媽愛煮既蝦子麵。請大家不要對此店雲吞有太大寄望了～不能說不好吃，反正就給食家一種homemade既感覺罷。乾完整碗麵後，又真係覺得炭爐麵同食開既麵店味道略有不同，至於有何不同又講唔出口，或者又係心理作用影響吧！