小炒皇 (已結業)

今日老細心情好，中午揸車拉隊去鴨脷洲大街的小炒皇食飯。先來個【青紅蘿蔔老火湯】，夠火喉，無味精，食落非常舒服。【蒜蓉少豆苗】豆苗好嫩，加咗上湯來炒，幾好味。【蒜蓉粉絲蒸扇貝】扇貝非常大隻，啖啖肉。粉絲嗦晒扇貝和香蒜味，是這道菜的精華。 【一品雞煲】嫩雞件放咗在特別湯底的沙鍋內，慢慢滾熟，又香又滑。食完雞，襯鍋內還剩有湯，便放些拉麵入內，煮一煮又食得。【白灼鮮魷】鮮魷剛好灼熟，鮮甜爽口。還有墊底的牙菜，魷魚跟牙菜一起食，口感很特別。 【荷葉海鮮蒸飯】用荷葉包住啲米和海鮮來蒸，海鮮包括蝦、蜆、蟶子、魷魚，再加上香蒜、蔥花，好食到不得了。如果老細日日都心情好就好了，可以多帶我們出外吃飯。