心之食堂 (裝修中)

放工之後同朋友黎到銅鑼灣既呢間日式小店到食晚餐，呢度既食物種類都幾多，有好多唔同選擇！前菜方面，我地叫左呢個海膽蟹籽杯，壽司飯上面有滿滿既海膽，好正！仲有呢個蟹肉忌廉卷，好細心咁分成4份！魚生方面，我地叫左三文魚同埋帶子，三文魚勁厚同埋好新鮮，帶子亦都好高質！卷物方面，我地叫左彩虹卷，入面有炸蝦、牛油果、墨魚子等等。佢既擺盤好靚！主食就叫左三文魚茶漬飯，都幾抵食！燒物方面，我地叫左燒雞腎同埋蘆筍海老牛肉卷，燒得好香口！