名門私房菜

营业中

休息中

灣仔都幾多好嘢食，這間上樓中菜順德菜，都很不錯。花膠海參-非常足料，全部材料切到一絲絲，口感豐富，金華火腿帶點鹹香，花膠及海參絲，入口彈牙，雞湯味道濃郁，用心熬製。冰燒雞，混合炸芋頭絲，青瓜絲，雞絲，海蜇，酸薑絲，多重口感，加少少Wasabi醬汁，十分開胃又醒神。黃金蝦多士，鋪滿金黃嘅鹹蛋黃，加香脆嘅蝦多士，非常好味但好邪惡。新鮮黑草羊腩煲，配料有冬菇，馬蹄，冬筍及腐竹，羊腩肉質鮮嫩，皮薄肉香，有羊味但不會騷，冬筍同腐枝入晒味，加上生菜及香草腐乳，冬天絕對不能錯過。臘味糯米飯，臘腸，潤腸，臘肉及東菇。餐廳特色用上鮮蝦肉，所以入口彈牙一點，糯米炒得軟糯，少少煙韌，鑊氣香濃，顏色炒得均勻，味道帶甜，吃得出廚師花時間用心製作。全部食材都有很有心思，師傅刀工了得，餐牌有好多自家特色菜，菜式處理得非常好，價錢合理。