河內越式料理

营业中

休息中

呢期都心思思想食越南嘢，今日終於搵到個朋友陪我去食喇。餐廳好多綠色植物，感覺舒適。越式牛柳粒紅飯（$120）：紅飯嘅意思係蕃茄味嘅飯，酸酸地幾開胃。牛柳粒夠腍。鍾意佢做青椒黃椒車厘茄洋蔥一齊去炒，感覺冇咁油膩。酥香軟殼蟹（+$45）：惠顧飯/麵，可以以優惠價加一隻蘇香軟殼蟹。咬落去啖啖肉，好過癮。法式牛油雞翼（$54）：一客有四隻，四隻都好大隻。牛油味惹味。牛油果沙冰（$36）：食越南菜牛油果沙冰係我必嗌item！沙冰質感幼滑。唔會太甜。椰青（$45）：朋友去完健身，叫個健康嘅椰青飲就啱晒。