心之食堂 (裝修中)

一向覺得日式小店好有風味，安靜既環境，獨特既擺設，創意既小食，每樣都係令人更投入用餐既元素，其中今晚最欣賞既擺設，始終係呢部小單車。每次食日本餐，刺身幾乎係必點，今晚既海膽、帆立貝刺身都好新鮮，海膽味道非常濃厚同鮮甜，同海膽唔同帆立貝刺身既甜係比較清甜，2種都好美味！藍碟花白桃乳酸，酸酸甜甜既味道更令人開胃，再帶少少桃味作點綴，岩晒正式開餐前飲。餐牌上推介既心之蛋卷，點可以唔點呢，蛋卷賣相已經100分，表面的沙律醬同茄汁除左寫字外，更重要當然為左調味，入面有烹調恰到好處既三文魚肉，比較有特色既一道菜！燒物就有燒京蔥燒雞腎，京蔥燒過後會無左草青味，而且甜度增加，係個人中意食既一味，而雞腎燒得唔太硬，較容易咬。燒鯖魚飯連飯都係心型！表面佈滿飯素，再唔係平平無奇既白飯，鯖魚燒比微微焦脆，魚味濃郁，配合酸汁，一個基本而傳統既美味！原條鰻魚石鍋飯，大大條好吸引，鰻魚、蛋絲、飯焦，三種層次分明口感配合非常好，加上甜甜的鰻魚汁，菜式整體完成道高！