心之食堂 (裝修中)

心之食堂之前已經聽朋友介紹過，難道得閒，於是帶埋男朋友一齊試下，男朋友仲一試愛上！哩間野主打日本野食，鋪面唔大，但好有日本風格。我地叫咗好多野食，有吉列牛柳粒飯，三文魚刺身，日式煎餃，雞串三寶，仲有佢主打嘅心之火焰鐵板牛柳粒。吉列豬扒食得多，原來吉列牛柳粒都幾好味！外脆內軟嘅感覺口感好正，而且炸粉唔厚，加上自家嘅調味，我男朋友真係食唔停口。仲有三文魚刺身好厚身足料，而且好鮮甜，肥瘦適中，有入口即融嘅感覺。煎餃亦都好香脆，咬落仲有肉汁岀黎，我中意！雞串三寶有雞軟骨、雞肉串同埋炸雞皮，全部都好香口，雞軟骨仲有蛋黃香味，口感好豐富。而重頭戲就係佢嘅火焰鐵板牛柳粒，兩串牛柳粒插係菠蘿上面形成v字，擺設特別，服務人員淋上熱油，然後點火，成座火焰山咁，真係幾壯觀😍食完全肉宴，飲翻啖芒果特飲，so fresh! 哩間真心推薦大家一試！