影片
更多
2014-09-04
406 浏览
講到黑森林蛋糕，你會諗起咩？港式黑加倫子啫喱扮車厘子？忌廉多過蛋糕？它來自德國？早幾日走過美心，又見有新款蛋糕，叫做「黑魔王森林」（La Forêt Noire） ，問問店員，原來喺將德國嘅經典蛋糕黑森林，改以法國一級食材重新打造，將經典變得細膩，怪唔之得仲改咗個法國名啦。講到咁犀飛利，點可以唔試試 。我都駐足晌櫥窗望咗一陣了解吓先，蛋糕分兩款大細：標準1磅裝（$218）及迷你裝（$128），當時見仲有試食價優惠，前者賣$198，後者賣$118，人多開派對慶生日就梗喺要買個大，人少幾口子可以要個細嘅；此外，隔離仲有一款「黑森林甜品杯」，只賣$24，當然就喺適合一個人買嚟自己獨享啦。不過，題外話講少少個包裝盒，我懷疑個店員將個包裝盒反轉咗摺，可能基於個蛋糕叫「黑魔王」，所以，佢認為黑色向外。當我返到屋企打開，內裡喺白底有一樖樖黑色松機標誌，更加埋印有La Forêt Noire字樣，以及小字「請放於雪櫃儲存」嘅提醒，更深信喺摺錯咗 。當打個餅盒，最意想不到喺嗰朕朱古力香氣，真喺估唔到咁濃烈，可見用料真喺無偷雞 。外型比慣常見到嘅黑森林蛋糕著實精巧好多，唔喺求其刨一層朱古力碎，唧啲
我都駐足晌櫥窗望咗一陣了解吓先，蛋糕分兩款大細：標準1磅裝（$218）及迷你裝（$128），當時見仲有試食價優惠，前者賣$198，後者賣$118，人多開派對慶生日就梗喺要買個大，人少幾口子可以要個細嘅；此外，隔離仲有一款「黑森林甜品杯」，只賣$24，當然就喺適合一個人買嚟自己獨享啦。
不過，題外話講少少個包裝盒，我懷疑個店員將個包裝盒反轉咗摺，可能基於個蛋糕叫「黑魔王」，所以，佢認為黑色向外。當我返到屋企打開，內裡喺白底有一樖樖黑色松機標誌，更加埋印有La Forêt Noire字樣，以及小字「請放於雪櫃儲存」嘅提醒，更深信喺摺錯咗 。
當打個餅盒，最意想不到喺嗰朕朱古力香氣，真喺估唔到咁濃烈，可見用料真喺無偷雞 。外型比慣常見到嘅黑森林蛋糕著實精巧好多，唔喺求其刨一層朱古力碎，唧啲忌廉咁。圍邊有又薄又脆嘅朱古力薄片，一塊疊一塊，透過櫥窗見到個牌仔，介紹薄片喺用上法國朱古力，所以，香濃得有理。蛋糕面正中間放有4大粒車厘子作裝飾，不但有姿勢，仲好有實際，味道鮮甜，底下仲沾滿朱古力，最窩心亦無想過嘅喺車厘子已經「去核」 。另外，餅面圍邊仲唧滿一個又一個花瓣形Bavarois忌廉，外型流線，質感挺身，香甜而幼滑 。
細看內裡，又睇吓如何以法國一級食材重新細膩演繹。脆脆餅底已經成為美心蛋糕嘅焦點特色，但再加入海鹽焦糖於餅底中，味道層次更上一層樓；餅底之上，仲有上中下3層鬆軟嘅朱古力海綿蛋糕，又夾有新鮮帶酒甜嘅車厘子果肉、幼滑嘅朱古力車厘子慕絲、柔滑嘅Bavarois忌廉，依個「法式」黑森林味道真喺令人再三回味 ！
將來，仲會有咩懷舊款式嘅蛋糕會被重新演繹呢？
张贴
