美心西餅 (新葵興廣場)

营业中

休息中

我覺得美心雞批一直以來都有水準，但發覺而家吾係間間美心西餅有得買，係葵興商場見到，又熱辣辣真係要買番件，雞批外層厚度適中，雞肉餡有肉又有汁，吾會無餡又乾柴柴，下次行過一定要再買。

如果平時見完客，兩點鐘又未食嘢既話，行過附近有美心，一定會忍唔住走入去望一望，望完一大輪，最後都一定係會揀燒鵝瀨，就係鍾意佢食完又唔太飽，但係又有飽肚嘅感覺，叫多杯熱奶茶就啱啱好。

美心西餅嘅蛋糕入面，我最鍾意嘅都係呢一個天使蛋糕，仲記得以前食嘅時候第一次食好有驚喜，因為呢度嘅cream唔會太甜，再加埋上面嘅焦糖脆脆，簡直係啱啱好！！😍而且呢度嘅蛋糕非常鬆軟！！同埋好大件，基本上10個人食都可以！！😍😍

雖然老婆份工喺兼職形式，但佢公司算幾好，逢喺過時過節，都有啲應節嘅禮物。就好似中秋，就會一人一盒月餅，不過，好搞笑，留意咗佢3、4年，年年都喺送「美心低糖蛋黃白蓮蓉月餅」。我倆公婆對食月餅無咩要求，收到咩月餅都開心。不過，睇返之前嘅食評，呢款月餅嘅包裝盒都無變，仍然喺一身橙紅色嘅鐵罐，亭臺樓閣配荷花，鮮艷嘅色彩配搭，好有古雅之氣。盒面右上角，仲刻意標示含糖量低於5％，小弟無查証過，因為睇完後面嘅營養資料一欄都唔喺好明點計出嚟，不過，本身一向都唔太信呢類標示，最緊要咩都唔好食過量。打開盒罐， 一盒共有6個，均以獨立包裝處理，衞生方便。順帶一提，近呢幾年嘅月餅，已少咗奉送啲膠刀、膠叉，對環保方面算有少少進步。包裝盒無變，而質素依樣亦無變，皮薄而平均，白蓮蓉好軟滑，亦唔甜膩，最正喺個鹹蛋黃流晒油，搭杯熱茶，喺下午茶嘅好配搭。今年所食嘅月餅都以奶皇為主，蓮蓉或白蓮蓉都少食咗，其實小弟真喺對此無乜偏好，因為奶皇有奶皇好食嘅地方，蓮蓉亦有蓮蓉值得欣賞嘅地方。

話咁快星期五就係龍舟節啦🐲🐲今晚同屋企人食左美心原粒瑤柱裏蒸粽(經典套裝)，一共有三隻粽包括原粒瑤柱裏蒸粽、桂花豆沙粽及貴妃豆沙粽。-原粒瑤柱裏蒸粽用料非常豐富🤩，口感特別，大大隻超厚實，百分百香港製造，食得安心又滿足。絕配糯米配綠豆，加上日本原粒瑤柱、花菇、燒鴨肉、蓮子、栗子等等，份量十足足斤重👍👍桂花豆沙粽及貴妃豆沙粽同時用上紅豆作餡，前者散發淡淡桂花清香，後者則有清新芳香玫瑰花香味，兩者同樣甜而不膩。

好多時行過美心都覺得店內的西餅蛋糕 賣相好靚， 趁住週末有假放，一於買黎做小食，仲可以 做埋早餐㖭，正今次選左芝士撻同榛子撻， 芝士撻個樣好似比火燒過咁， 好吸引， 個皮好脆， 但就唔係好夠芝士味。 榛子撻就有好多榛子果仁， 味道唔錯， 不失為 小食的好選擇

數數手指仲有一星期就係屈原節啦~除左爬龍舟之外，當然就仲有食粽啦🙆🏻‍♀️ 作為為食既我，今晚就食左 #美心冰粽 做甜品啦🤤🤤-☆ 美心冰粽 - 果味系列冰棕同果子加麻糬Mix埋一齊，個樣好的骰可愛😍 外表晶瑩剔透，摸落好Q彈，口感煙煙韌韌，仲要一搣開就食得，非常方便，當零食食都得啦~果蜜系列有4種口味🍎🍊 包括芒果、蘋果、楊枝甘露及黑糖味。蘋果同芒果口味真係食到粒粒果肉㗎，好fresh好特別，好好味呀💗💗另外冰粽仲有一款甜品系列，包括綠茶紅豆、紫薯、柚子蜜及芝麻味~~~

美心今年推出幾個母親節SPECIAL蛋糕，賣相就唔算超特別，不過價錢唔貴，而且蛋糕主打士多啤梨，我同屋企人都好鐘意士多啤梨，所以今年就決定揀美心蛋糕啦！最後我揀左瑰麗雜莓蛋糕，雖然賣相佢唔係最靚個個，但勝在細細個，岩岩好。如果係三日前訂蛋糕，仲會有EARLY BIRD優惠！蛋糕新鮮生果唔算多，不過入面有一層果食落士多啤梨JELLY都幾有咬口。海綿蛋糕夾雜士多啤梨MOUSSES，士多啤梨味好出，岩晒士多啤梨味控！

今晚開OT,放左工都已經好夜了成9點所以同同事去到葵涌新葵興商場美心MX是旦搵下野食就算數不過去到都好多野冇晒,咁就唔好諗叫燒味食就算數,醫左個肚就OK油雞飯-都OK既,不過D骨紅色我就唔太LIKE,但雞係好滑的叉燒飯-唔夠燶,同埋如果有蜜糖會好食好多,半肥瘦都唔錯至少唔會好難咬

幾十元食海南雞飯，都貴貴地，食得過就算，點知飲啖茶後先發覺茶杯冇洗，即刻想嘔返出來....大集團退步中，拎去柜臺，佢話換個杯，我已冇哂胃口，美心應該反思檢討,不進則退

今日去睇MAY DAY前食個TEA先仲有時間就同朋友去左葵興美心MX食返D野醫下肚先一人叫一個餐鐵板燒排骨麵加紅豆冰,另一個餐係燒味雙拼飯加熱咖啡,雙拼選左叉燒加油雞個飯都幾爛下,太軟喇...完全唔好食,燒味都一般啦,無咩特別鐵板燒排骨個麵係正常既,不過D排骨好奇怪咁,好紅但又唔係唔熟,咬落去又無咩口感...唔太OK

附近美心醫肚，樣樣都係五十幾蚊，見扒餐都係五十幾咁又幾抵，就叫咗個黎食，好靚好大份，份雜扒有雞扒，豬扒，煙肉，腸仔同薯菜，仲有埋龍蝦湯同飲品不過係有少少亂，我明明無走腸竟然無咗條腸，我唯有問佢攞返，廚房好大聲話我走腸，但張單都無寫我走腸，好彩最後都拎得返條腸雞扒同豬扒都好juicy，唔會話over cook變到乾爭爭，醬汁個量啱啱好，夠點哂所有食物，蔬菜份量都幾多，balance返個罪惡感，飽到捧主個肚返屋企呢

相比起其他大型連鎖餅店，『美心西餅』的蛋糕相對來說一向比較遜色，不過今次新推出的「香蕉軟心卷」卻有驚喜！「香蕉軟心卷」每條原價$88，現時優惠價$78，價錢合理，看起來不是很長的一條roll cake，份量其實並不少。一打開盒子便聞到香蕉味，蛋糕咬下去很鬆軟，口感一流，裡面的朱古力加牛奶忌廉的味道濃厚，但不會過甜，跟蛋糕很搭，令人忍不住吃完一口又一口！這件roll cake絕對值得回購，希望它會成為『美心西餅』的長註食品啦！------------------------------By alvahana

每年除了有家人和朋友與我慶生外，亦有一班好同事還記得小妹牛一呢。雖然是牛一，但和平時一樣，下午還是忙個不停，正在專注在一大堆工作時，同事和上司突然無聲無色，捧著燃點著的布甸狗蛋糕，並唱著生日歌走到我附近，望著可愛的布甸狗，驚喜又開心。雖然對布甸狗沒有特別喜好，但身形肥DoDo般十分可愛呢。由於不想破壞可愛的樣子，將蠟燭插在手上是最好的吧。開刀切它的臉實在太殘忍吧! 所以避開布甸狗的臉，逐刀逐刀切，分成5份。而蛋糕底板也精心選用布甸狗紙襯托呢。值得讚的是，布甸狗蛋糕不只是外表好看，蛋糕是選用芒果慕絲製成，全也是慕絲，海綿蛋糕成份略少，故口感滑一滑，吃起來又不會太甜。而中間的位置有芒果餡，增加層次感。布甸狗眼、耳、口、鼻也用上朱古力塊，勝過一般蛋糕選用的糖漿牌，混合芒果慕絲蛋糕是不錯選擇。不過，好像是期間限定蛋糕，一個月後想再去買時，發現已經售罄了，好可惜呢。

又一次喺屋企雪櫃發現咗一盒 北海道軟芝士蛋糕 食落 十分香濃軟熟 聞落去有淡淡 嘅芝士香味 但食落口 芝士味充滿整個口腔 蛋糕味道唔算太甜 好啱 鍾意食蛋糕嘅朋友因為一次過可以食多幾件唔會漏