影片
更多
2016-03-14
555 浏览
早两个月先晌葵芳食完餐德国菜，晌老友吹鸡下，今晚又再尝尝德菜滋味。而且，更可以同几位耐无见嘅食友聚一聚，实在一举两「德」 ，聚餐地点，就晌铜锣湾楼上铺嘅Schnee，多谢老友嘅悉心安排，唔使小弟烦，带个肚嚟就得喇 。由于喺楼上铺，面门一定无地铺搞到咁吸引，但一入到店中，倒有几分德式古堡嘅模样。红砖墙、木餐枱、大木桶、黑盾牌、鹿头……仲有甚有代表性之一嘅挂钟。此外，地方够大，枱櫈又排得唔密。枱上点着蜡烛，再配合埋灯光，晚上嚟都颇有气氛。餐牌一白一黑，代表食物及酒精饮品餐牌。不过，今次相机出现少少问题，一影到内页效果唔清，所以，未能影低作大家参考，请见谅 。不过，虽话打正旗号喺卖德国菜，不过，亦加入小许其他国家菜式。分类方面，包括：德国面包、汤品、沙律、头盘、德国香肠、传统德国脆薯饼、主菜、意粉及饭、甜品、饮品及多款酒精饮品。 海鲜番茄清汤 $68 我哋点咗几客汤品共享，初时无为意「清汤」二字，仲以为个汤会好红，查实清澈见底。味道较清爽，以鲜清鸡汤配上新鲜海鲜，如鲜虾、带子，让唔多喜欢浓汤嘅食客有一个清新嘅选择。 德国经典薯仔汤 $58 德国薯仔沙律喺以前好多豉汁西餐厅会
由于喺楼上铺，面门一定无地铺搞到咁吸引，但一入到店中，倒有几分德式古堡嘅模样。红砖墙、木餐枱、大木桶、黑盾牌、鹿头……仲有甚有代表性之一嘅挂钟。此外，地方够大，枱櫈又排得唔密。
枱上点着蜡烛，再配合埋灯光，晚上嚟都颇有气氛。
餐牌一白一黑，代表食物及酒精饮品餐牌。不过，今次相机出现少少问题，一影到内页效果唔清，所以，未能影低作大家参考，请见谅 。不过，虽话打正旗号喺卖德国菜，不过，亦加入小许其他国家菜式。分类方面，包括：德国面包、汤品、沙律、头盘、德国香肠、传统德国脆薯饼、主菜、意粉及饭、甜品、饮品及多款酒精饮品。
海鲜番茄清汤 $68 我哋点咗几客汤品共享，初时无为意「清汤」二字，仲以为个汤会好红，查实清澈见底。味道较清爽，以鲜清鸡汤配上新鲜海鲜，如鲜虾、带子，让唔多喜欢浓汤嘅食客有一个清新嘅选择。
德国经典薯仔汤 $58 德国薯仔沙律喺以前好多豉汁西餐厅会出现嘅沙律，德国经典薯仔汤小弟都喺第一次食。睇样好似无咩特别，但味道实在，入口又唔觉得好寡，汤内有啲薯蓉碎，令个汤嘅口感几特别。
传统德国脆薯饼伴烩野什菌 $158 依一款脆薯饼喺餐厅推介嘅菜式之一， 绝唔喺晌麦记或全日早餐食到𠮶款。除伴烩野什菌，仲有伴香煎三文鱼和带子蕃茄汁（$168）及伴烤什菜芝士忌廉汁（$158）两款。店员介绍时，特别强调薯饼喺全人手做，将薯仔切成幼丝，混入薯蓉搓成饼状煎香成金黄，故此，咬落绵滑嘅薯蓉中，有丝丝嘅脆口感，入口又唔会一口油，薯味突出自然 ；切成小件，伴点点烩什菌，食味更佳。
传统德国脆薯饼伴烩野什菌
$158
15 浏览
1 赞好
0 留言
未嚟个德国猪手，先试试个德式「烧腩仔」，烧腩仔厚切成片，一件叠一件排列整齐。入口外皮脆到不得了，咔嚓声此起彼落，脆到听得到，而肥肉唔算多，再伴上酸椰菜，感觉绝对唔会觉得好「漏」，沾少少烧汁，味道就更惹味 ；薯条唔使多讲，炸得唔油腻，已经唔会差得去边。
烧德国猪腩仔配炸薯条
$188
17 浏览
1 赞好
0 留言
招牌脆皮烧德国咸猪肘伴酸椰菜烤烧薯角 $198 是日焦点，就喺德国咸猪手，香喷喷嘅隆重登场！一件件切好晒嘅咸猪手肉，方便食用，同样伴有微酸嘅酸椰菜，以及烧得甘香嘅薯角；猪手皮做得好焦脆，色泽带粉嘅猪手肉口感松软，皮与肉之间带微微胶质感，口感妙极，不负招牌之名 。
招牌脆皮烧德国咸猪肘伴酸椰菜烤烧薯角
$198
10 浏览
1 赞好
1 留言
黑松露意大利介子云吞伴轻怡菠菜忌廉汁 $128 意大利云吞包住菠菜蓉，再配上黑松露忌廉汁，香气绝对无得输，因为黑松露嘅气味散发出嘅幽香，非常突出，而忌廉汁打得滑溜；至于啲意大利云吞有少少咬口感，内里嘅菠菜蓉细绵清新，估唔到德国菜以外，意大利云吞亦做得相当不俗。
香焗苹果金宝伴云呢嗱汁 $38 店员介绍，佢哋啲「金宝」喺即点即制即焗，所以，入口既香脆，又松化，充满牛油香；而下层满满苹果肉，清甜、柔软、芳香，斋食都已经觉得好味。
热情杂果芝士饼 $48 初头睇鬼错，以为喺「热情果」芝士饼，原来喺热情「杂」果，即喺伴碟𠮶一堆杂莓及龙珠果，而芝士饼喺芒果口味，整体卖相又几靓、几缤纷。味道上，件芝士饼又唔错㖞，消化饼底有些微厚，芒果芝士却喺几香滑。
德国菜一向予人平实之感，唔花巧，所以，今日所尝到多道嘅菜式，都带有依一种感觉。而且，味道的确有水准，算得上喺几道得意之作，绝唔喺花拳绣腿 ！
张贴
