麵尊

营业中

休息中

麵尊一向係港島區馳名嘅車仔麵店之一，曾經試過喺上環嘅老鋪，今次經過銅鑼灣再次一試呢間由明星聯營嘅懷舊車仔麵店。同上環老鋪唔同嘅係，銅鑼灣店由marketing到裝修都以潮流復刻為主，店外可見玻璃窗入面掛住一個大大嘅仿霓虹燈招牌。麵尊銅鑼灣店同上環店提供嘅餸菜款式大同小異，而醬汁又點少得聞名見稱嘅麻辣醬及咖哩辣醬！豬頸肉、豆卜、濃汁香菇貢丸、豬大腸、咖哩魷魚 － 幼麵一直以嚟食車仔麵都比較少叫豬大腸，但都罕有地要推介一下佢嘅豬大腸，非常入味而且入口即浴，可見都鹵咗好一段時間。不過如果喜好比較爽口嘅朋友可能未必會太鐘意。其餘嘅餸菜並無太大特色，咖哩魷魚嚟講都算不錯，幾爽口，但豆卜同貢丸似乎技術含量亦唔高。炸魚皮、豬頸肉、五香牛腩、酸齋 － 幼麵而另一碗麵整體亦都唔錯，可以推薦嘅會係五香牛腩，亦都係入口即溶嘅感覺，唯一可以進步嘅係如果牛腩再肥啲口感會更好。而酸齋同炸魚皮亦都無咩特別，算係不過不失。＊整體嚟講麵尊嘅質素比一般車仔麵店係唔錯嘅，作為名人加持嘅食店亦都算中上。不過味道以外亦都會希望見到更多自家特色嘅配料，更加突顯獨有風格。味道 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⭐️性價比 ⭐️⭐️⭐️