更多
2014-01-27
2733 浏览
從未試過咁有衝動寫一篇劣評!!!呢間嘢真係由服務質素到食物都咁差,真係好後悔入左去!兩個人午餐時間見新開鋪,價錢也算OK,便行了入去坐埋個位,無人執枱,無人抹枱,無人俾茶……要叫個女侍應佢先抹同執枱,但依然係茶都無杯既……叫了一個是壽司定食($48),一個是叉燒拉麵($38),另加$10有兩件三文魚壽司先來的是叉燒拉麵,塊叉燒係凍既!壽司的飯是未熟的,一粒粒硬掘掘,黐住D牙!魚生有D岩岩解凍feel,食落有D驚有無問題!一路食一路一肚氣……從未食過呢D食物質素!仲要響元朗!仲要佢個MENU講到自己有幾勁!見到隔離枱舉手好耐,個女侍應終於行埋去,果枱客人叫佢拎杯茶……我先知原來枱枱都受到如此待遇!我想即刻埋單走人,但個壽司定食仲有兩件反卷未到,於是趁個女侍應趕住幫我地執枱就同佢講,但都無時間講「俾兩杯茶」佢又行開左!其實佢唔係好忙,行行企企,但死都唔理d顧客!等左成十五分鐘,先黎果兩件反卷,我唔明點解要整咁耐,而且仲要俾兩件頭尾你!食左每人差不多$50,質素差不特止,仲要唔飽!真係未試過咁憤怒,憤怒到茶都費事問佢拎杯飲,去出面再買嘢飲同小食填飽個肚。成間嘢食物唔ok,但最激氣係個女侍應的
呢間嘢真係由服務質素到食物都咁差,真係好後悔入左去!
兩個人午餐時間見新開鋪,價錢也算OK,便行了入去
坐埋個位,無人執枱,無人抹枱,無人俾茶……要叫個女侍應佢先抹同執枱,但依然係茶都無杯既……
叫了一個是壽司定食($48),一個是叉燒拉麵($38),另加$10有兩件三文魚壽司
先來的是叉燒拉麵,塊叉燒係凍既!
壽司的飯是未熟的,一粒粒硬掘掘,黐住D牙!
魚生有D岩岩解凍feel,食落有D驚有無問題!
一路食一路一肚氣……從未食過呢D食物質素!仲要響元朗!仲要佢個MENU講到自己有幾勁!
見到隔離枱舉手好耐,個女侍應終於行埋去,果枱客人叫佢拎杯茶……我先知原來枱枱都受到如此待遇!
我想即刻埋單走人,但個壽司定食仲有兩件反卷未到,於是趁個女侍應趕住幫我地執枱就同佢講,但都無時間講「俾兩杯茶」佢又行開左!
其實佢唔係好忙,行行企企,但死都唔理d顧客!
等左成十五分鐘,先黎果兩件反卷,我唔明點解要整咁耐,而且仲要俾兩件頭尾你!
食左每人差不多$50,質素差不特止,仲要唔飽!真係未試過咁憤怒,憤怒到茶都費事問佢拎杯飲,去出面再買嘢飲同小食填飽個肚。
成間嘢食物唔ok,但最激氣係個女侍應的態度十個差,全程黑口黑面,埋單果時,張單掉落你張枱。
永無下次!以後都唔會去!
P.S. 可能呢間嘢係做所謂omakase,所以對我地呢D食普通午餐的客人咁差啦
如果咁睇唔起D散客,就唔好另外整個午餐menu出黎,其實佢個價錢行過兩間都已經大把好嘢食
不過就我所見,就算係坐bar枱的,女侍應都唔俾茶人地,要人地舉手幾分鐘先行埋去,真係幾過份
如果呢位女侍應其實係老闆娘,咁無得好講……但如果係員工,呢間餐廳就真係要好好管理下,完全hea做同趕客!
张贴