影片
更多
2023-10-11
16 浏览
🍵得閒飲茶x180度海景新派點心茶館🥟-將軍澳海傍一直都有好多唔同嘅餐廳同cafe又chill又有質感 所以我地都有一個目標想去食哂咁多間🤣 今次就嚟到呢間新派點心茶館 由個名DHYC=得閒飲茶就知佢唔簡單😎 由菜單到㨂茶葉都好有新鮮感 茶葉有好多種 由一般嘅普洱到餐廳special blend嘅人蔘烏龍等都一應俱全 仲有冷泡茶供應 總有一款啱🤪-🦐窩貼蝦多士 $68熱辣辣新鮮炸起 蝦肉塗滿咗多士 幾香口好脆😚 㘎外仲配上特製嘅雜果沙律醬 心思加分-🥚鵪鶉蛋松露燒賣 $55呢個好出色😍 燒賣大大粒 加上做到有流心效果嘅鵪鶉蛋👏🏻 再搭配少少松露醬做點綴 食落充滿住唔同層次同香味 正呀🤩-🥟小籠包 $48小籠包都幾飽滿 皮算幾薄吓 夾住都見到有少少透光感 包住好多湯汁同內饀🤪 湯底係肉嘅鮮甜味 高質😋 記住要小心啲食唔好淥親😜-🐷焗叉燒包 $38呢個係平時食嘅雪山叉燒包進化版🌟 佢嘅外皮脆脆果層比平時嘅厚少少 而且焗得耐少少 所以做到有啲似菠蘿包嘅皮 好鬆脆☺️ 入面饀都好足料 啖啖叉燒-🐣西檸雞 $190除咗點心 晚市仲有得食主菜 所以我地㨂咗兩樣主打 第一樣係看似平平無奇 但心思滿滿嘅
-
將軍澳海傍一直都有好多唔同嘅餐廳同cafe又chill又有質感 所以我地都有一個目標想去食哂咁多間🤣 今次就嚟到呢間新派點心茶館 由個名DHYC=得閒飲茶就知佢唔簡單😎 由菜單到㨂茶葉都好有新鮮感 茶葉有好多種 由一般嘅普洱到餐廳special blend嘅人蔘烏龍等都一應俱全 仲有冷泡茶供應 總有一款啱🤪
-
🦐窩貼蝦多士 $68
熱辣辣新鮮炸起 蝦肉塗滿咗多士 幾香口好脆😚 㘎外仲配上特製嘅雜果沙律醬 心思加分
-
🥚鵪鶉蛋松露燒賣 $55
呢個好出色😍 燒賣大大粒 加上做到有流心效果嘅鵪鶉蛋👏🏻 再搭配少少松露醬做點綴 食落充滿住唔同層次同香味 正呀🤩
-
🥟小籠包 $48
小籠包都幾飽滿 皮算幾薄吓 夾住都見到有少少透光感 包住好多湯汁同內饀🤪 湯底係肉嘅鮮甜味 高質😋 記住要小心啲食唔好淥親😜
-
🐷焗叉燒包 $38
呢個係平時食嘅雪山叉燒包進化版🌟 佢嘅外皮脆脆果層比平時嘅厚少少 而且焗得耐少少 所以做到有啲似菠蘿包嘅皮 好鬆脆☺️ 入面饀都好足料 啖啖叉燒
-
🐣西檸雞 $190
除咗點心 晚市仲有得食主菜 所以我地㨂咗兩樣主打 第一樣係看似平平無奇 但心思滿滿嘅西檸雞🍋 雞肉好大塊 用咗去骨嘅新鮮三黃雞 所以好有鮮味😙 加上佢用牛油去炸 所以香氣會再出啲 而且佢唔係全部靠炸漿去炸 只有啱啱好薄薄一層 仲食到好有彈性嘅雞皮😙
-
🦀蟹肉大良炒鮮奶 $148
另外一道主食我地就㨂咗呢個炒鮮奶😋 鮮奶同蛋白味道幾出 帶一絲絲蟹肉嘅鮮甜 滑捋捋咁撈飯就最啱🤪 另外餐廳仲有落到少少金華火腿蓉同蘑菇做配菜 食落帶有少少鹹香 層次感再提升😚
-
🍵人蔘烏龍 +$9
🍵冷泡四季春 +$9
我哋㨂咗呢兩款茶都唔錯 好清香 啱晒配大餐清新解膩😚
-
📍DHYC Dimsum Restaurant
將軍澳澳南海岸唐俊街23號Monterey Place 1樓2A號舖
-
张贴
